花園餐廳 (西洋菜南街)

營業中

休息中

一直都幫襯開觀塘個間花園餐廳，食物水準都唔差。今日去左太子，心血來潮想据扒，所以去左太子呢間。講左食物質素先，我叫左蝴蝶型肉眼牛扒，d肉梅諗諗，係大塊，但質素仲差過大家樂早餐件牛扒，但收費$128，咁不如去大家樂食晚市鐵板燒好過！服務態度方面，我到去，幾個侍應企係門口附近圍埋－齊，我原本坐係佢地附近，聽到佢地大大聲係度傾計，立即自行調位坐遠d。見到我同其他食客舉手都冇人理，要大大聲話叫野及埋單。我未飲完湯，鉄板來到，只放係側邊，加汁時個侍應只講黑椒定蒜蓉，完全冇禮貌，最後收錢時勁黑面，我不得不比散銀埋單，貼士不用比。