燒味滷師 (大廈街)

營業中

休息中

至尊燒鵝$110打開外賣盒香味撲鼻，燒鵝外皮呈現棗紅色嘅光澤，油潤豐盈，夾住薄薄一層油脂嘅鵝皮，食落香脆又唔膩。下庄嘅鵝肉厚實，食落爽彈，瘦而不柴，鮮嫩多汁，越嚼越甘香回味。蘸上梅子醬，酸酸甜甜，包你食到停唔到口。燒味佬叉燒$40作為招牌菜之一，叉燒絕對唔會令你失望。油潤嘅外表，誘人嘅色澤，香味四溢。肉質肥瘦均勻，軟腍多汁，香甜美味。客家鹽焗雞(半隻)$25特價優惠，性價比超高，份量十足。雞皮滑，肉質鮮嫩juicy，鹹香入味。用沙薑蘸住食，風味極佳。泰式鳳爪拼海蜇$45去骨鳳爪清新爽口，海蜇Q彈煙韌，泰式風味酸酸辣辣咁好開胃。