大師兄銷魂麵舖

營業中

休息中

同姪仔搵食，想搵間快靚正，見呢間唔駛排隊，就入左黎食。食物呢度餐牌主要喺分辣同唔辣，我地各樣一個。覺得個撈麵係幾好味幾有咬口，但都有小小辣架，怕辣嘅人可能就要同返店員講聲走辣。一個餐主要有三樣野——麵、湯牛肉、配菜，至於點樣食，就要靠自己睇下檯角果啲好細粒嘅字。如果唔夠眼力睇，其實都可以按自己喜好食，將湯筆落麵又得，將麵筆落湯食又得。服務同今時今日好多鋪頭一樣，明明QR Code自己落單，你冇同店員講過幾多句，水又冇，但都係要比加一服務費。環境檯同檯之間都係好近，靠牆坐的話就可以放野喺長椅。打對面果個就冇椅背，老友記就唔係好啱坐。試一次冇壞，唔好抱好高期望就得，再返黎食就未必啦，因為都覺得唔係好值三位數。