每次食過都返尋味，好姊妹聚會其中一位冇食過，每次都帶唔到位，今日好好彩竟然有位，去到已經座無虛席好彩有訂位。
嚟到必食大頭蝦冬陰功，湯底甜酸辣剛好，仲有四隻超多高大頭蝦加上一些雜菇超好飲。
極力推薦炸墨魚餅，每次嚟到必點菜式之一，粒粒墨魚，加上墨魚蓉攪勻再加入香茅同班蘭葉味道好特別，而且非常彈牙姊妹們個個食完都話好正。
平時我哋食開都係生菜肉鬆包，這間有創新泰式豬頸肉生菜包，爽彈的豬頸肉加上泰式香料同炒，然後用生菜包住食口感陳是非常豐富。
2
泰式豬手，呢間都整得非常出色軟腍入味，可以隨意點些泰式辣醬同食，有畫龍點睛的效果。
1
仲有一碟黃咖喱雞，加入咗椰漿的咖喱醬非常香濃微辣，配上蒜蓉包同吃，簡直絕配。
1
加上一支泰國啤酒或椰青沙冰。令到我們這餐甜上加甜完美相聚。
