影片
更多
2020-12-18
468 瀏覽
今次介紹係一間舊舖係屯門、結業兩年後轉戰葵廣嘅人氣章魚燒。以前經友人介紹知道呢間位置非常偏僻，但味道非常好食嘅章魚燒。當時香港冇咩特別好食嘅章魚燒，覺得依間係嗰時全香港最好食，因為佢非常之足料。而今次葵廣嘅店主兩兄弟係屯門店嘅舊食客，專程拜訪舊店主拜師，最後接手將味道重現江湖。-排隊🧍🧍🧍章魚燒都係即叫即製，當日係星期六大約兩點，落咗order大概等咗5至10分鐘就有，唔算多人，等緊嘅同時兩三個食客都等緊。-Menu📋新店而家提供九款口味嘅章魚燒，比較多人叫係明太子，特別嘅味道有鹹蛋黃金流沙、流心玉子，呢兩種特別嘅味道成日會賣晒，份量有六粒同八粒選擇。如果想試多啲口味可以叫雙併加兩蚊，但牛乳流心玉子唔可以雙併。-1️⃣ 超正啖啖明太子章魚燒💰33（👅: 7.5/10）非常足料嘅章魚燒，每粒章魚燒上面都有超多明太子，再加蛋黃醬、燒汁包圍着，明太子有小小魚籽既香脆口感。章魚燒外脆內軟，燒到有小小焦，溫度非常足夠，會辣口因為係即叫即製，店舖採用新鮮製嘅麵糊，粉漿唔會太稀，唔會食到生生粉漿既味。章魚夠大粒，口感煙韌幾彈牙，再加上大量嘅木魚絲，連同脆脆嘅章魚燒皮，口感非常之豐富滿足。木魚絲係擺係側邊
今次介紹係一間舊舖係屯門、結業兩年後轉戰葵廣嘅人氣章魚燒。以前經友人介紹知道呢間位置非常偏僻，但味道非常好食嘅章魚燒。當時香港冇咩特別好食嘅章魚燒，覺得依間係嗰時全香港最好食，因為佢非常之足料。
而今次葵廣嘅店主兩兄弟係屯門店嘅舊食客，專程拜訪舊店主拜師，最後接手將味道重現江湖。
-
排隊🧍🧍🧍
章魚燒都係即叫即製，當日係星期六大約兩點，落咗order大概等咗5至10分鐘就有，唔算多人，等緊嘅同時兩三個食客都等緊。
-
Menu📋
新店而家提供九款口味嘅章魚燒，比較多人叫係明太子，特別嘅味道有鹹蛋黃金流沙、流心玉子，呢兩種特別嘅味道成日會賣晒，份量有六粒同八粒選擇。
如果想試多啲口味可以叫雙併加兩蚊，但牛乳流心玉子唔可以雙併。
-
1️⃣ 超正啖啖明太子章魚燒💰33（👅: 7.5/10）
超正啖啖明太子章魚燒
$33
50 瀏覽
2 讚好
0 留言
非常足料嘅章魚燒，每粒章魚燒上面都有超多明太子，再加蛋黃醬、燒汁包圍着，明太子有小小魚籽既香脆口感。
章魚燒外脆內軟，燒到有小小焦，溫度非常足夠，會辣口因為係即叫即製，店舖採用新鮮製嘅麵糊，粉漿唔會太稀，唔會食到生生粉漿既味。
章魚夠大粒，口感煙韌幾彈牙，再加上大量嘅木魚絲，連同脆脆嘅章魚燒皮，口感非常之豐富滿足。
木魚絲係擺係側邊幾貼心，可以按個人喜好加。
-
2️⃣ 超濃香黑松露章魚燒💰33（👅: 7.5/10）
超濃香黑松露章魚燒
$33
39 瀏覽
2 讚好
0 留言
味道唔會太鹹，香味幾出。
黑松露個醬好香濃，佢既鹹香味配章魚燒幾匹配，但係唔會搶走本身章魚燒嘅味道。
-
3️⃣⃣ 和風蜜糖芥末章魚燒💰30（👅: 7/10）
和風蜜糖芥末章魚燒
$30
17 瀏覽
2 讚好
0 留言
芥末有少少微辣，加上蜜糖嘅甜，又甜又辣，不過蜜糖既比例會多過芥末。
醬汁稍多，會令到個外皮無咁脆，會感覺似食醬多過食章魚燒。
-
🌟感覺上今次葵廣開嘅新店，同我以前喺屯門紅橋食到嘅味道有少少分別，始終係拜師唔係同一個人再開店，唯一唔變嘅就係依然咁足料。
店主初為老細，店舖由10月頭試業至今，一直聽取大家唔同嘅意見去改進，一直有虛心嘅心態去學習，淨係呢樣我覺得呢間小店就好值得大家去支持，同埋唔好吝嗇大家嘅意見，好食嘅就鼓勵，或者可以喺佢哋IG反映意見。
前店主有講過希望大家叫佢哋做嗰啲叫章魚燒唔好叫小丸子，因為對佢來講做法貼近日式嗰啲叫章魚燒，台式同港式先叫小丸子，希望新店主可以秉持舊店主嘅執着同堅持，做出香港更好食嘅章魚燒。
-
👅味道: 7.5/10
🍴環境: 7/10
💰消費: $33 (服務費: NA)
張貼
