影片
更多
2025-02-23
386 瀏覽
春天將至🌸又再蠢蠢欲動去酒店嘆afternoon tea😆位於灣仔嘅諾富特世紀酒店Le Cafe最近就全新推出下午茶自助餐，一次過可以任食下午茶常見嘅龍蝦包、finger food、蛋糕、杯裝甜品🧁仲有自助餐常見嘅刺身、凍海鮮🦐可謂將下午茶同自助餐嘅必吃美點一網打盡🥳而家下午茶自助餐成人價錢為$368，如果成為酒店社交平台followers仲有8折優惠，而且由即日至3月23日，仲可享每枱一整支St. Louis Blanc de Blanc氣泡酒🍾實行下午時分就飲飽食醉，好不寫意🤪「假日春意下午茶自助餐」成人 $368 / 長者 $298 / 小童 $258🦐凍海鮮、刺身凍海鮮有大蝦、青口、蜆。大蝦新鮮多膏，可以配喀嗲醬🔴刺身最推三文魚，超厚切肥美，要食多幾round😋😋🦞龍蝦包、蟹柳包、芝士、火腿、沙律及其他冷盤冷盤類有好多選擇，而且質素普遍幾好，值得試多啲👏🏻龍蝦包有啖啖龍蝦肉，沙律醬唔會搶去龍蝦海水鮮味，高質。芝士火腿幾款都幾好，仲有特別啲富芝士香嘅芝士蛋餅嚐嚐鮮👍🏻煙三文魚油潤鹹香。紅菜頭沙律同薯仔沙律調味恰到好處😽🍤中、西、日、印式熱葷同午、晚市自助餐一樣都有唔少湯品、熱葷、
「假日春意下午茶自助餐」成人 $368 / 長者 $298 / 小童 $258
🦐凍海鮮、刺身
凍海鮮有大蝦、青口、蜆。大蝦新鮮多膏，可以配喀嗲醬🔴刺身最推三文魚，超厚切肥美，要食多幾round😋😋
🦞龍蝦包、蟹柳包、芝士、火腿、沙律及其他冷盤
冷盤類有好多選擇，而且質素普遍幾好，值得試多啲👏🏻龍蝦包有啖啖龍蝦肉，沙律醬唔會搶去龍蝦海水鮮味，高質。芝士火腿幾款都幾好，仲有特別啲富芝士香嘅芝士蛋餅嚐嚐鮮👍🏻煙三文魚油潤鹹香。紅菜頭沙律同薯仔沙律調味恰到好處😽
🍤中、西、日、印式熱葷
同午、晚市自助餐一樣都有唔少湯品、熱葷、主食、燒烤，好似點心、餃子、炸雞、沙爹串燒、蝦多士、天婦羅、咖哩雞、漢堡等😍咖哩雞幾好食，雞肉又嫩，咖哩又香😋蝦多士脆卜卜都唔錯。不過熱葷整體熱啲會更好。
🥐甜品、雪糕
食下午茶點可以唔嘆甜品😏呢度有唔少選擇，特別啲有近期大熱扁牛角包，酥香有牛油香😚司康固然係下午茶必備，呢度就可以任食，果醬係玫瑰花味好香🌹合桃布朗尼鬆化不甜都好食😛另外仲有荔枝mousse cake、tiramisu、充滿春天氣息嘅漬櫻花布甸、葡撻、曲奇等。雪糕係Movenpick🤩
🍾飲品
由2月22日至3月23日內，每枱都可以免費獲贈一枝St. Louis Blanc de Blanc氣泡酒，邊飲邊食tea會唔會太chill😍氣泡酒清爽有葡萄香。另外仲可以斟菠蘿肉桂薑茶、橙汁、咖啡茶等，菠蘿薑茶飲到香料香氣幾特別🥳
推介指數（10分為滿分）：7分
張貼
