會所1號 維港皇宴

營業中

休息中

因為疫情關係，有啲朋友好耐冇見，趁疫情冇咁嚴重，馬上約出嚟聚一聚。之前日式放題，火鍋放題，甜品放題都食得多。但係食中式放題我都係第一次。今次這間酒樓是位於尖東的帝國中心1樓 ，入面有個無敵大海景，無論日景定夜景都同樣咁靚，酒樓裝修得好靚好光猛，令人坐得好舒服。放題是有一份特盛五式加小菜小食任叫任食。特盛五式包括紅燒佛跳牆，金銀蒜／ 剝椒波士頓龍蝦（半隻），脆皮BB鴿（半隻），爵士湯／竹笙碗仔翅，MOVENPICK雪糕（一客）。紅燒佛跳牆： 有矜貴的食材包括花膠，元貝節瓜脯，鮑魚，冬菇。花膠煮得有黏糯口感又夠入味。 鮑魚口感軟身滑溜。金銀蒜波士頓龍蝦：口感紮實又帶濃濃的蒜蓉味及龍蝦的鮮味。脆皮bb鴿：肉嫩皮脆非常可口。爵士湯：材料有木瓜，海螺頭，花膠，瘦肉及老雞。湯水入口清甜冇落味精。放題還有非常多小食小菜可供選擇，個人推介雞絲粉皮，避風塘頭腩，會所小菜王及黃金海中蝦。 放題限時四小時，非常之適合同朋友慢慢傾。