影片
更多
2019-04-15
27 瀏覽
同朋友相識十週年緊係要好好慶祝一番，就黎到食鐵板燒 - 崟，緊係想食哂成間鋪頭既食物啦！無奈唔得就唯有叫二人前，相當都好豐富！前菜 - 日本蓮花莖沙律蓮花莖清新爽口，加上新鮮沙律菜，配柚子醬，令到個人胃口大開！可以食之後既美食大根煮花螺大根醃得相當入味，以清酒、醬油、味淋所醃製過！店員更會提醒客人唔好進食花螺既尾部，因為係條腸黎會帶有腥味！澳洲鮑魚三食1.一食，薄切，以鹽調味，由於係澳洲鮑魚關係，海水味會較淡，所以簡單以鹽調出鮑魚的海水味和鮮甜味 ，爽口彈牙既口感，慢慢細嚼，鮮味更出，可以完全食出鮑魚的原味2.二食，較前者厚身，加上牛油調香，除左試上鮑魚既原味，更有口感發味道香濃既變化！3.三食，最厚切，鮑魚邊的位置，由於鮑魚的嘴係邊位，經過吸入海水，邊位會係最彈牙，最重海水味！加上蔥花，加強了味道的濃厚。呢三食係師傳精心安排，當中安排了進食其他食物，以免只食鮑魚令心情沈悶！更突出了鮑魚口感既變化，味道濃烈及鮮甜感，讚北海道帆立貝用清酒加上新鮮紫菜，帆立貝係鐵板上輕輕煎過，配上自家醃過既三文魚子，鮮中帶甜，食帆立貝厚肉中又帶有粒粒卜卜既口感，由於三文魚子自家醃過，去除左當中既腥味，帶少
前菜 - 日本蓮花莖沙律
蓮花莖清新爽口，加上新鮮沙律菜，配柚子醬，令到個人胃口大開！可以食之後既美食
大根煮花螺
大根醃得相當入味，以清酒、醬油、味淋所醃製過！店員更會提醒客人唔好進食花螺既尾部，因為係條腸黎會帶有腥味！
澳洲鮑魚三食
1.一食，薄切，以鹽調味，由於係澳洲鮑魚關係，海水味會較淡，所以簡單以鹽調出鮑魚的海水味和鮮甜味 ，爽口彈牙既口感，慢慢細嚼，鮮味更出，可以完全食出鮑魚的原味
2.二食，較前者厚身，加上牛油調香，除左試上鮑魚既原味，更有口感發味道香濃既變化！
3.三食，最厚切，鮑魚邊的位置，由於鮑魚的嘴係邊位，經過吸入海水，邊位會係最彈牙，最重海水味！加上蔥花，加強了味道的濃厚。
呢三食係師傳精心安排，當中安排了進食其他食物，以免只食鮑魚令心情沈悶！更突出了鮑魚口感既變化，味道濃烈及鮮甜感，讚
北海道帆立貝
用清酒加上新鮮紫菜，帆立貝係鐵板上輕輕煎過，配上自家醃過既三文魚子，鮮中帶甜，食帆立貝厚肉中又帶有粒粒卜卜既口感，由於三文魚子自家醃過，去除左當中既腥味，帶少少甜，淡淡清湯，出色！
法國鵝肝
師傅先把麵包烘得乾脆，再把鵝肝煎得外脆內軟，每一口都帶有濃濃的鵝肝既油脂感，而且鵝肝要有一定厚度先可以煎得外脆內軟，相比坊間較薄身的，呢個鵝肝實左無得頂！每一口都有幸福的感覺
甘目鯛
利用高溫油炸至表皮金脆，油的位置剛好去到魚皮，而甘目鯛的魚鱗係食得架！
魚鱗炸完好似米飯煮熟時，片片企哂起身，初初都怕病腥味，但試過呢次，魚鱗都可以好好味🤤好似薯片禁脆卜卜，又唔會好油膩，魚肉好滑身，完全唔鞋口
呢道甘目鯛完全係大膽又創新既做法！好好味😍
牛油焦糖麵包及青檸啫喱
牛油焦糖麵包係師傅清一清上述菜式的濃味感
加上青檸啫喱又帶點青新的味道，為之後的菜式帶來更好既味道
鹿兒島A5和牛
1.厚切和牛
和牛厚切可以食到當中既口感，入口油脂將我溶化左一半，油脂雖然豐富，不失當中既咬口，愈咬愈豐富牛脂味，配上剛炒起的蒜片，係由白炒至金黃，蒜片同和牛一齊食先夠爽！麵唔知邊個發明禁夾既配對！
2.和牛薄切
大大塊薄切和牛，輕輕煎過包住大量蔥蔥和蒜碎，和牛既油脂又被蔥花中和，唔會太油膩，加上蒜碎帶有少少脆身既口感，好好味呀！
隱藏餐單 之 蛋治
係正規餐牌上係無呢個蛋治，但點解我又會有？而我又係普通一個客人，點會有隱藏餐單出現？
因為師傅太好客！飯局之中師傅同客人交流甚多，提及蛋治如何俘虜人心，所以即場更改餐單！
麵包加牛油烘乾，雞蛋加入黑松露，炒至半熟，帶流心效果，炒果陣已經香味四溢，食落口每一口都富有蛋香及松露味，脆卜卜既麵包！好似有化學變化，好幸福喔💕
炒菜心苗
師傅用左大量蒜蓉炒菜心苗，菜心苗較為鮮嫩，爽口，只需簡單調味就能提升菜心苗既鮮嫩，以及本身既味道，經過師傅既巧手，比起平時味道更加突出！
甜品 - 3.6牛奶布甸配紅豆
牛奶布甸好滑身又充滿啖啖牛奶既味道，唔算好甜！配上紅豆蓉，而紅豆係甜甜的，所以紅豆同布甸一齊食就剛好，唔會搶去大家既味道！
整體黎講，崟 聽落好似好貴，但用真材實料同廚師用心去做每道菜式都係物超所值！呢次晚餐為我同朋友帶來一個好好的回憶！唔知下次廿週年會去邊度慶祝呢？
張貼
