影片
更多
2017-12-04
485 瀏覽
呢間明明叫丸龜，點解我叫佢譚之仔呢？事關佢收購左譚仔之後被一眾網友惡搞先認識佢，所以叫住先。一入到門口，流水式作業，先落單取主食，再自己夾小食，之後收銀部埋單，方便快捷，即叫即整好快上枱，而且小食類很多選擇。我就揀左8號佳麗，豬骨湯烏冬$47，與小食炸鱈魚排$15。先黎個小食做前奏，睇個樣就炸得唔錯，食落呢，粉唔厚，夠脆夠乾身，就可惜太乾身所以唔係好juicy ，都有魚味既，仲係鱈魚唔係雪魚。可惜冇醬點，唔係就可以錦上添花。主菜，豬骨湯烏冬，注意係「豬骨湯」「烏冬」，仲以為上面有豬軟骨，原來係豬腩肉片，以為係溏心蛋，原來係熟蛋，唯一估中左就係豬骨湯同埋烏冬。烏冬彈牙，夠滑。豬骨湯相對來說清清地，唔似其他拉麵店咁杰，亦唔似果間「味精拉麵」咁味精。蛋同豬腩肉正常野，冇特別好唔好食。總結：可以當係貴價快餐，唯一優點係快，多選擇，$47+15=62，呢個價位見人見知，粉面來講日式野就差不多唔貴，但食個車仔麵四十零蚊大大碗又好味好多。
事關佢收購左譚仔之後被一眾網友惡搞先認識佢，所以叫住先。
一入到門口，流水式作業，先落單取主食，再自己夾小食，之後收銀部埋單，方便快捷，即叫即整好快上枱，而且小食類很多選擇。
我就揀左8號佳麗，豬骨湯烏冬$47，與小食炸鱈魚排$15。
先黎個小食做前奏，睇個樣就炸得唔錯，食落呢，粉唔厚，夠脆夠乾身，就可惜太乾身所以唔係好juicy ，都有魚味既，仲係鱈魚唔係雪魚。
炸鱈魚排
$15
23 瀏覽
0 讚好
0 留言
可惜冇醬點，唔係就可以錦上添花。
豬骨湯烏冬
$47
42 瀏覽
0 讚好
0 留言
主菜，豬骨湯烏冬，注意係「豬骨湯」「烏冬」，仲以為上面有豬軟骨，原來係豬腩肉片，以為係溏心蛋，原來係熟蛋，唯一估中左就係豬骨湯同埋烏冬。
烏冬彈牙，夠滑。
豬骨湯相對來說清清地，唔似其他拉麵店咁杰，亦唔似果間「味精拉麵」咁味精。
蛋同豬腩肉正常野，冇特別好唔好食。
總結：可以當係貴價快餐，唯一優點係快，多選擇，$47+15=62，呢個價位見人見知，粉面來講日式野就差不多唔貴，但食個車仔麵四十零蚊大大碗又好味好多。
張貼
