鳥山名

營業中

休息中

《鳥山名 - 荃灣》前段時間過左去愉景新城做野，同事話呢邊有間幾有heart 既日本料理，lunch time 時段啲野都幾抵食🤭所以當日我就跟住佢去左鳥山名呢度食lunch🤓雖然佢地既lunch set有好多款可以選擇，但我今次就無揀到set，反而試左個喺出面比較少見到既博多牛腸鍋🐂除左鍋物之外，我地仲叫左一客廚師推介既原條島根池魚做刺身🐟兩樣野兩個人食再配個飯就剛剛好啦😉💁🏻‍♀️博多牛腸鍋之前睇片見人地喺日本食呢個博多名物已經覺得好吸引，估唔到呢度竟然有得食，仲要同行既同事都一樣喜歡食牛腸😎有人分甘同味太好啦🫶🏻除左牛腸之外，呢個鍋入面仲有大量韭菜、椰菜同洋蔥🧅湯底係用左味噌同大蒜煮成，食落香濃甘甜，牛腸食落都唔會肥膩，口感彈牙又唔腥，等啲蔬菜煮淋左之後索曬湯好好食，淡淡都有牛油香，初嘗牛腸鍋既感覺十分良好👍🏻💁🏻‍♀️原條島根池魚原條池魚既擺盤都幾靚，師傅將魚肉切片後捲成麻花狀態，可以配搭上餐廳提供既酸醬油食，落少少wasabi 都可以提鮮，魚肉食落爽口有肉香，推薦