銘興山西刀削麵 (厚福街) (已結業)

都有一段時間冇寫食評，懶咗好多，但因為呢間餐廳激發起我再拎起支筆😌❌大家千萬不要以貌取其質素‼️❌向來相機食先，以為幾好味……第一啖當然飲下湯，咦！咁嘅？係咪我味蕾有問題。望一望另外兩位朋友，大家都呆一呆😳再飲多啖….無味嘅😱，點解啲湯咁深色都冇味嘅？跟住食返牛展，又冇味？😳😳😳乜料？跟住再食粒醃蘿蔔，嘩！頂😫😫😫，酸到牙都軟，又辣🙈，以為拍緊周星馳：「等啲食客快啲走，有咁酸得咁酸，有咁辣得咁辣」。呢刻我放心咗好多，因為證明自己味覺冇問題😌！隻蛋好一般，啲雞係有醉味，不過鞋鞋哋😅，啲麵無味又硬硬哋，好似未熟透咁！成晚最滿意係罐可樂，飲晒😌本人喺大角咀分店常客，一個月都食兩三次！唔明點解尖沙咀店質素差咁遠🫣！已向店員反映，因為本人都愛其分店，希望廚師改善食物質素，唔好咁快執笠。可惜侍應冇乜反應，無再跟進🫠。咁我係過客都唔洗咁上心😌總結，要食去返大角咀分店！厚福街呢間伏中之伏🤐，請我都唔再食，嘥時間😮‍💨