拾味正宗刀削麵館 (渣甸街)

營業中

休息中

今日去咗一間刀削麵店，入到去就見到師傅即場削麵，望住佢一刀一刀咁削落麵團，好爽，好療癒，仲未食已經有期待。麵條係即削即煮，食落去真係唔同，夠晒煙韌，有啲位厚啲咬落去實在啲，有啲薄啲就掛湯好啲，整體好有口感。湯底又夠味，唔會死鹹或者好油，飲埋湯都唔覺滯。叫咗麻辣大腸加肥牛，味道夾得好，大腸冇異味，爽口乾淨；肥牛薄薄哋，好滑。仲試咗蒜泥牛展，牛展夠腍又唔乾，啱啱好。小食叫咗涼拌海帶絲，清清地，幾開胃，配住麵一齊食幾舒服。成體驗幾滿意，食得出係有心機做，好快會想再去試其他口味。