龍朝牛雜牛腩專門店

營業中

休息中

這天同朋友來到元朗行山睇紅葉，行完搭巴士落到元朗市區朋友有事走先，於是我就自己搵野食。呢間位於教育路的牛雜牛腩專門店，經過門口已經聞到濃烈的牛腩香味，於是就決定試一試佢！ 餐牌上推介崩沙腩必食，但又見牛魔王河是銷量第一，作為牛的愛好者，我想會一會呢碗牛魔王。 =牛魔王 $48=果然聞名不如見面，呢碗牛魔王銷量第一係有原因的！首先湯底是以慢火熬製的牛骨湯，牛味濃郁而不油膩。而且材料貨真價實十分充足，有齊腩，肚，湯，肺，膀，筋，仲有籮白。 牛坑腩非常之軟冧，一口咬下完全唔會感覺難咬而且非常之入味，牛肚爽口，牛筋彈牙，牛腸牛肺牛膀也很入味，值得一提的是籮白，軟冧冧無渣又索曬牛骨湯，正！ =炸魚皮 (細) $12=炸魚皮我見好多枱都有叫，咁梗係要試埋啦。魚皮炸得酥脆恰到好處，薄身但唔硬，放進牛骨湯底三秒即食，正！ 另外可以$14加配油菜及飲品，我加了生菜加腩汁。 豐富地食了河粉，牛腩牛雜，菜及魚皮，大滿足！豐豐滿滿的離開元朗區了。