甬府

營業中

休息中

約返朋友去灣仔食午餐，朋友推介了甬府，「甬」即是寧波嘅簡稱。我們一行三人來到餐館，被安排在寧波廳，大廳裏只有幾張四人枱。➽餐前小食有炸花生同青豆，花生鹹鹹地，幾開胃。➽前菜：糟滷牛脷牛脷有淡淡的花雕酒味，質感很軟熟，感覺有啲似鵝肝，好好食！➽蒜香紅油蟶子：蟶子很新鮮亦很肥美，侍應話而家係比較適合食嘅季節。這個我會強烈推介，配上微辣嘅控油，很滿足。➽生炒辣味土雞：我們選了微辣，雞肉很鮮嫩，肉質口感很好它配上了少少青辣椒和紅辣椒，味道嘅配搭很好。➽金蝦皮脆蔬炒豆乾這碟菜很考功力，雖然很多食材炒在一起，但一啲都不油膩豆乾炒到金黃色，配上少少鹹豬肉，同類似筍的菜，用來送粥就一流。➽甬府捨得：即是上湯小棠菜唔夠嫩滑嘅頭尾都要捨掉，所以名為捨得小棠菜做得比較腍，吸收了上湯鮮甜味，好食。➽沙蒜豆麵：這個我覺得是必點的！豆麵即是蕃薯粉，沙蒜是海中軟體動物整個口感都很軟滑，微鹹嘅湯很鮮甜！➽最後我們點了寧波湯圓湯圓只配上清水，但絕不會令你失望湯圓皮非常薄，亦很軟滑。黑芝麻湯圓冇得輸！➽餐後送上一杯小嘅山楂雪梨茶，同埋清甜的哈密瓜，為豐富的一餐劃上句號。