稻八日式火鍋炸物放題 (已結業)

放假同朋友一齊出街食飯，初時想去食泰國或打邊爐，喺心大心細嘅時候，最終決定去打邊爐。有朋友極力推介之下，我地去咗一間叫「稻八」嘅餐廳，餐廳較為多人，可能好食嘅關係吧，都等左一陣先有位，喺等位途中我和老婆喺門口諗食邊個餐好，唔同價錢有唔同配料，難得一日出街食飯我叫咗個中間價318餐，入坐後餐廳環境整潔，冇火鍋店笠癡癡嘅感覺。大部份醬料同其他火鍋店差唔多，自助食品款式多，飲品種類還可以，重點有自助炸物，平時喺屋企唔敢整炸嘢，但係依度可以炸返夠本。到主角出場M6和M9，M6有唔同部位，我最鍾意係牛舌，口感彈牙又無咁油膩，宜M9嘅脂肪比例啱啱好，入口嫩滑，牛肉味濃郁。套餐仲有其他種類例如海鮮同刺身雞肉豬肉等等。最後當然唔少得甜品啦，令人最印象深刻就係開心果雪糕，味道唔太甜又有香濃開心果味。依間係半自助式放題，所以一定食得飽，整體來講食物質素同環境都唔錯，飯後甜品有驚喜，可以約埋三五知己再一戰。