阿夫利拉麵 (The ONE)

營業中

休息中

見識少既我未食過緊柚子味既拉麵，即刻拉埋朋友去尖沙咀試下先啦！店舖位於商場入邊，唔算難搵，不過位置唔算好好坐。拉麵一直鐘意沾麵多啲，因為個好汁出色濃味既話，真係啖啖都咁重口味❤️‍🔥同朋友一人點咗一個沾麵，一個係辣味，一個係鮮露味，兩個食落相似但又完全不一樣既風味。麵條好食彈牙，湯汁完全帶入更高一個層次，清爽但又好濃味，辣得黎又唔會搶走柚子既風頭，鐘意柚子味既朋友必試！好鐘意送埋粒柚子糖，柚子大滿足！