牛陣 (大埔超級城B區)

營業中

休息中

好耐都冇打過邊爐 琴晚收工之後就決定要去食個牛陣 去到大約7點半8點已經有人排緊隊 等左一陣先入到去-近排出咗個冬陰公湯底 本身都有d驚會好辣食唔到 但又可以接受 先將大蝦魷魚香茅等等泰國配料爆一爆先 之後再加湯 湯底方便感覺越食越濃郁 唔係幾食辣嘅我都幾鍾意 牛肉嘅質素算係幾好 唔會話太肥 除左有牛肉任食之外 仲有好多野食可以自己拎 有響鈴蔬菜芝士豆腐拉麵 最驚喜嘅係有熟食 咖哩飯真係唔錯 大家要去試下 仲有唔同嘅海鮮 廣島蠔魷魚仔帆立貝 超多選擇非常豐富 雖然係夏天 但配埋枝象啤 真係覺得好爽 食埋碗雪糕就啱啱好