影片
更多
2023-01-05
1170 瀏覽
每逢冬天就會諗起想食暖笠笠嘅芝士火鍋，邪惡得嚟但又真係好滿足，所以一早預約左同屋企人嚟呢間瑞士餐廳一嚐正宗嘅芝士火鍋。餐廳嘅裝修木系為主，仲要一直播住歐洲嘅電台節目，令人有種置身北歐嘅感覺！首先有多款餐包俾食客選擇，淨係牛油磚塊已經製作得別有心思，最鍾意佢粿粒麵包有粒粒口感瑞士風乾雜拼盤 ($168)拼盤有5款ham, 用料上乘食落充滿油香，再加上酸瓜及醃洋蔥粒送ham食一流三式三文魚 ($178)呢道前菜就顧名思意有3種煮法嘅三文魚，包括刺身三文魚、煙三文魚及香草醃三文魚，三文魚片厚切鮮味十足，我鍾意佢嘅秘製芥末醬，同三文魚嘅鮮味相當匹配瑞士炒牛仔肉配蘑菇忌廉汁 ($268)店員推介我地試餐廳嘅皇牌主菜 - 瑞士炒牛仔肉，估唔到平凡嘅炒牛仔肉煮得咁出色，牛仔肉嫩冧又香牛肉味，加上索左蘑菇忌廉汁好味都食唔停口。另外嘅薯餅貌似奄列，但肉眼都見到條條薯仔絲，保持住薯餅應有嘅外脆，以及薯仔肉嘅軟冧瑞士牛仔肉丸芝士火鍋 ($288)最後當然唔少得主打芝士火鍋，我地只係叫了一人份，但分量都比想像中多，有兩大碟法包粒及薯粒，芝士火鍋內亦有唔少牛仔肉粒，當然主角芝士煮溶左香得不得了，仲要係咁凍嘅天氣
首先有多款餐包俾食客選擇，淨係牛油磚塊已經製作得別有心思，最鍾意佢粿粒麵包有粒粒口感
瑞士風乾雜拼盤 ($168)
拼盤有5款ham, 用料上乘食落充滿油香，再加上酸瓜及醃洋蔥粒送ham食一流
三式三文魚 ($178)
呢道前菜就顧名思意有3種煮法嘅三文魚，包括刺身三文魚、煙三文魚及香草醃三文魚，三文魚片厚切鮮味十足，我鍾意佢嘅秘製芥末醬，同三文魚嘅鮮味相當匹配
瑞士炒牛仔肉配蘑菇忌廉汁 ($268)
店員推介我地試餐廳嘅皇牌主菜 - 瑞士炒牛仔肉，估唔到平凡嘅炒牛仔肉煮得咁出色，牛仔肉嫩冧又香牛肉味，加上索左蘑菇忌廉汁好味都食唔停口。另外嘅薯餅貌似奄列，但肉眼都見到條條薯仔絲，保持住薯餅應有嘅外脆，以及薯仔肉嘅軟冧
瑞士牛仔肉丸芝士火鍋 ($288)
最後當然唔少得主打芝士火鍋，我地只係叫了一人份，但分量都比想像中多，有兩大碟法包粒及薯粒，芝士火鍋內亦有唔少牛仔肉粒，當然主角芝士煮溶左香得不得了，仲要係咁凍嘅天氣下大口大口咁食就一陣幸福嘅感覺湧上心頭，就算明知邪惡，但我都相信冇人可以抵抗！
張貼
