六両三.台灣食堂 (已結業)

六両三日前出左冬天系列就係煲仔飯，同埋養生火鍋，又可以打邊爐又可以食煲仔飯，啱哂冬天。養生火鍋叫左沙嗲牛骨湯（$38）連一盆蔬菜盤，其他野食就要單點，咁我地就另外點左牛肩胛（$48），響鈴（$10），蜂巢豆腐（唔記得$10／$12），(燕餃$12），王子麵（$8），火鍋冇咩特別，係個湯底以為沙嗲好濃其實偏淡。另外叫左個三杯雞煲仔飯，三杯雞份量好足， 而且真係有飯焦，但我覺得三杯雞個味未算出，所以啲雞香味落唔到啲飯到。但冬天可以同時食到煲仔飯同火鍋都算係咁。