當日小妹揀了招牌美食爆汁超燉「醉烤三黃雞」，因為係即叫即整，製作過程需時約30-40分鐘，好彩當時午飯時間比較彈性，總算品嘗得到這款美味菜式！
轉眼間時間回到昨日，相隔了十個月，小妹襯住同幾位兄弟姊妹相約，度身著裙拎兄弟裝，再次回到《本Honbu》，齊齊享用晚餐❣️嚟緊的大日子，身邊的一班兄弟姊妹全部都係自己同先生最熟悉的共同朋友，大家互相幫助互相遷就希望到時順順利利，真的好愛佢地好多謝佢哋💗
今次一行五人共柯打了三款小食、五碟主菜&四杯飲品，非常飽肚及滿足😌
▪️醬烤雞皮
雞皮烤得軟軟糯糯，不是脆卜卜，依然好好食😋
▪️芝士粟米棒
只有四件粟米棒，芝士偏奶香、味道超濃郁；除了芝士味仲有明太子味及台式燒烤醬味（夜市）！
▪️炸蟹仔（唔記得咗個真名）
炸得好香噴噴，蟹仔都啖啖肉，不過要襯熱食先夠脆！
▪️中東燒羊肉漢堡
比預期中份量十足😍燒羊肉都幾嫩滑～
▪️米蘭式西班牙豬扒沙律
大過塊臉的西班牙豬扒，炸至8成再灑上芝士、沙律🥗，肉質粉燉口感彈牙，仲有成兩隻手指咁厚架、感覺上有點似伊比利亞豬，非常非常好食🤤一定會再嚟再’安可‘😳
▪️鰹魚熟成封門牛柳x 𝟸
製作需時20分鐘，請耐心等候😊牛柳都係招牌菜式之一，年頭嘅時候兩位姊妹都係食牛柳，今次都係呢兩位姊妹都係食牛柳🤣🤣
▪️卡邦尼意大利通管麵
最肚餓的姊妹最快叫呢個意粉，點知係第三份上餐🤭好彩有幾款小食落肚，否則就餓親佢肚仔。呢碟意大利通管麵煮得不過軟亦不過硬，仲有啲彈牙添，好食🫶🏻
▪️椰子沙冰：椰奶味超香❣️（無比拍攝擔當影低）
▪️開心果奶昔x 𝟸：開心果出顏色唔出味，兄弟&姊妹話只飲到重奶味🥲好可惜阿！
▪️凍朱古力咖啡：姊妹選擇困難症，想飲熱咖啡，但係睇見我哋幾位都叫凍飲，又抵受唔住誘惑🤣最終決定係呢杯凍mocha 🤎
平日晚上，餐廳環境舒適不嘈吵，雖然晚餐價錢平均$108起，但係值得再嚟吖，希望總有一天帶老公嚟食呢到的《米蘭式西班牙豬扒沙律》及《醉烤三黃雞》❤️
