樂天大喜屋 (已結業)

繼上次去完極尚大喜屋飽餐一頓之後, 同朋友講起嗰度d刺身幾新鮮呀, 嘢食幾好味呀咁, 朋友點頭之餘, 問咗一句 : 咁有冇鮑魚呀 ? 我答 : 鮑魚 ? 鮑片刺身呀嘩 ? 朋友回 : 唔係, 係鮑魚 ! 極尚冇咩, 樂天有喎, 我仲食咗 N 隻'添' ... 嘩 ! 咁正 ! 唔好諗, 夾啱日子, 一起開餐去  都係揀午市放題啦, 又平 d, 時間又長 d環境嚟講都係一貫的密與人多, 飲品, 雪糕雪條等以自助形式可更快捷, 環保(用少d紙)又開心.  今次盡量揀d極尚冇嘅嘢嚟試, 但食物整體質素而言, 感覺極尚較優. 服務都係一樣, 樂天收碟換碟嘅速度唔算快和密, 有時需主動示意. 當然, 極尚又比樂天貴些, 就樂天的性價比來說, 已經令大家嚟啲度食嘢都樂上半天了.