影片
更多
2021-10-09
22 瀏覽
再次黎到中環荷里活道食check in teipei，估唔到平日都咁多人食，入面已經有幾個人等緊，因為限聚令所以要係門口排隊，店員好貼心咁係呢個大熱天時提供2把風扇俾我哋🥰大約7點半去到門口已經有幾班人等緊，最後我哋等咗3張就到，都唔我算等好耐，門口有幾個我愛台妹大字嘅霓虹燈，餐廳裝修比較浪漫有格調，店員服務都非常有好。我哋2個人安排咗坐bar枱，座位舒適，非常貼心會放多張櫈安放個人物品，可以專心於食物👍🏼。雙色鹽酥雞醬汁分開2邊，黑松露醬同柚子醬，個人比較鐘意黑松露，濃郁咸香味，柚子醬甜甜酸酸，中間係炸雞，唔會炸到好乾，香脆肉裏嫩滑😋麻婆豆腐手工餃有少少肉碎豆腐加上足料手工餃，食落去帶香辣嘅果味道，唔係死辣果種，唔算好辣所以唔食得辣嘅人都可以一試👍🏼髒髒芋泥鹹蛋黃蛋餅賣相好靚，蛋餅包住芋泥，一切落去啲芋泥已經爆出黎，好足料，表面放滿鹹蛋黃碎，好好食👍🏼溏心蛋魯肉飯溏心蛋有少少流心，蘿蔔醃得夠甜夠入味，魯肉撈飯唔會太油😍鮮芭樂苦瓜汁苦瓜大王即搾苦瓜汁，入口清新，後勁帶苦瓜味但唔會太重太苦，仲可以一解油膩感🥤抹茶歐蕾杯個樣非常特別😆係bar位仲見到有個再大啲嘅😂抹茶味濃加上牛奶，唔會太甜
大約7點半去到門口已經有幾班人等緊，最後我哋等咗3張就到，都唔我算等好耐，門口有幾個我愛台妹大字嘅霓虹燈，餐廳裝修比較浪漫有格調，店員服務都非常有好。
我哋2個人安排咗坐bar枱，座位舒適，非常貼心會放多張櫈安放個人物品，可以專心於食物👍🏼。
雙色鹽酥雞
醬汁分開2邊，黑松露醬同柚子醬，個人比較鐘意黑松露，濃郁咸香味，柚子醬甜甜酸酸，中間係炸雞，唔會炸到好乾，香脆肉裏嫩滑😋
麻婆豆腐手工餃
有少少肉碎豆腐加上足料手工餃，食落去帶香辣嘅果味道，唔係死辣果種，唔算好辣所以唔食得辣嘅人都可以一試👍🏼
髒髒芋泥鹹蛋黃蛋餅
賣相好靚，蛋餅包住芋泥，一切落去啲芋泥已經爆出黎，好足料，表面放滿鹹蛋黃碎，好好食👍🏼
溏心蛋魯肉飯
溏心蛋有少少流心，蘿蔔醃得夠甜夠入味，魯肉撈飯唔會太油😍
鮮芭樂苦瓜汁
苦瓜大王即搾苦瓜汁，入口清新，後勁帶苦瓜味但唔會太重太苦，仲可以一解油膩感🥤
抹茶歐蕾
杯個樣非常特別😆係bar位仲見到有個再大啲嘅😂抹茶味濃加上牛奶，唔會太甜，抹茶控必試😌
張貼
