松記糖水店

營業中

休息中

突然，好想食甜品。其實耐唔耐，我夜晚就會想食吓甜品增肥🙄|(￣3￣)| 結果，我順利點咗我屋企人出去買。去到佢話間嘢人手嚴重不足喎，得一個收銀同一個水吧。個收銀要落單收錢，仲要送餐，加上入面full house，等得耐無可避免。╮(￣▽￣"")╭ 佢等咗大約半個鐘，加上來來回回，結果我成四十五分鐘後先有得食😂。冇辦法，鬼叫我想食舊式糖水，嗰吓又諗唔起附近有咩第二啲選擇。 我自己就叫咗熱嘅椰汁西米露，屋企人食熱紅綠。屋企人話碗紅綠好鬼甜，食咗三份一就放棄咗。而我碗西米露就太多西米，完全似食飯咁，嚇死人(有密集恐懼症嘅人，唔該唔好睇張相😂)！結果我都係食咗三分一都放棄埋。 我諗，冇下次。