金源餐廳 (已結業)

為左個奶油豬叫常餐，點知嚟左嘅係牛油方包，問阿姐，阿姐話冇晒喇，得方包，然後走左去。唉！冇就早啲講呀嘛，我叫第二個餐。叫凍檸茶少甜當然係冇理我。而第二個餐呢，等左好耐要追先有，原來唔記得拎出嚟，不過呢位阿姐有禮貌啲起碼識講唔好意思。食個飯都錯漏百出，餐廳果個時間已經唔多客，唔知係落單阿姐求其定廚房求其。曾多次幫趁，以前都覺得ok，貪佢人唔多實有位，但經過今次，態度咁樣加上食物又唔見得好出色，應該冇下次。