影片
更多
2025-03-24
2897 瀏覽
今次去到油塘嘅潘記飯店，其實已經好多人講佢好好食好抵食，不過入去真係幾偏僻，而且個環境真係有啲差，如果自問有潔癖嘅人就唔推薦….今次入到去我哋諗住初初食自助餐，點知入邊啲餸完全樣衰到揀唔落手…而周圍的人都食龍蝦，所以我哋都叫咗海鮮食😂10枱有8枱都海鮮餐，店員會不斷推薦你食多種海鮮，其實我哋兩個邊食到咁多😂我哋跟大隊叫咗個$168嘅龍蝦餐，包咗半隻手掌大嘅龍蝦，肉就唔係好多，不過其實都幾鮮味，調味都唔錯😆而且頭部啲膏都幾香🫢不過套餐跟嘅雞就得幾件，而且好嚡，唔係好建議特登叫一碟雞食😂😂（不過龍蝦我哋等咗好耐，原來佢上錯咗隔離張枱，隔離張枱走咗好耐，隔離全部都係啲食淨啲骨，嗰隻新鮮嘅龍蝦熱辣辣就放喺嗰度碟貼碟咁幾分鐘….最尾好似都係俾返個碟我哋食….有啲Dirty)另外這一碟龍躉$60，份量都算OK，而且都啖啖肉，只有小小大骨，調味都係唔錯！外面就白飯任食，仲有紅蘿蔔雞腳湯豬骨湯任飲～～～不過都係例湯味～～味精都重，但可以食飽飲飽你🤣🤣店員會推薦你點海鮮湯，如果唔係特別鍾意食啲白烚嘅海鮮湯其實飲湯都好夠😝我哋住附近過去，其實都覺得有啲偏僻，個人覺得吹捧得太犀利，搞到都幾多遊客過去，搞到啲
今次去到油塘嘅潘記飯店，其實已經好多人講佢好好食好抵食，不過入去真係幾偏僻，而且個環境真係有啲差，如果自問有潔癖嘅人就唔推薦….
今次入到去我哋諗住初初食自助餐，點知入邊啲餸完全樣衰到揀唔落手…而周圍的人都食龍蝦，所以我哋都叫咗海鮮食😂
10枱有8枱都海鮮餐，店員會不斷推薦你食多種海鮮，其實我哋兩個邊食到咁多😂
我哋跟大隊叫咗個$168嘅龍蝦餐，包咗半隻手掌大嘅龍蝦，肉就唔係好多，不過其實都幾鮮味，調味都唔錯😆而且頭部啲膏都幾香🫢
不過套餐跟嘅雞就得幾件，而且好嚡，唔係好建議特登叫一碟雞食😂😂
（不過龍蝦我哋等咗好耐，原來佢上錯咗隔離張枱，隔離張枱走咗好耐，隔離全部都係啲食淨啲骨，嗰隻新鮮嘅龍蝦熱辣辣就放喺嗰度碟貼碟咁幾分鐘….最尾好似都係俾返個碟我哋食….有啲Dirty)
另外這一碟龍躉$60，份量都算OK，而且都啖啖肉，只有小小大骨，調味都係唔錯！
外面就白飯任食，仲有紅蘿蔔雞腳湯豬骨湯任飲～～～不過都係例湯味～～味精都重，但可以食飽飲飽你🤣🤣
店員會推薦你點海鮮湯，如果唔係特別鍾意食啲白烚嘅海鮮湯其實飲湯都好夠😝
我哋住附近過去，其實都覺得有啲偏僻，個人覺得吹捧得太犀利，搞到都幾多遊客過去，搞到啲價錢都貴晒，已經冇以前咁平😂😂
我就未必會再去啦😂性價比比中規中矩啦～～
潘記飯檔 (油塘)
油塘東源街10號東源街熟食市場
張貼
