影片
更多
2024-11-08
1214 瀏覽
今日朋友約我嚟到尖沙咀The One呢間餐廳，佢話佢之前同同事一齊嚟過，覺得幾好食，而且可以望到維港景色，好有香港特色，而剛巧佢見到呢間餐廳而家都有做緊優惠，所以就帶我嚟食好嘢。可惜今日我公司真係超級忙，搞到成八點先至嚟到，匆匆忙忙咁上到嚟之後，一入到嚟都嚇親，完全係全場爆滿，勁熱鬧，而餐廳有一部份咁啱都用咗嚟俾人擺婚宴。雖然十分之忙，樓面侍應亦都唔太多，但係見到大家都用心盡力去做，值得誇獎一下！睇咗餐牌一陣，發覺有好多優惠，又有羊腩煲，又有大閘蟹，最後我就決定咗叫孖寶一號套餐同椒氣勃勃招牌白胡椒蟹炆飯底。孖寶一號套餐有蔥油蒸虎杉斑仔一條同燒味拼盤一碟，呢個孖寶總共都係$498。講真嗰句，要喺香港食到一條高質嘅蒸魚真係唔會平，何況呢度真係勁高質，到剛剛好，成條魚都保持得好嫩滑，亦都食得出係用熱油淋過啲蔥，因為有淡淡嘅蔥香味。燒味拼盤有叉燒、脆皮燒腩仔、鴨胸同雲耳涼拌。燒腩仔相當之趣，叉燒亦都肥瘦恰當，鴨胸亦都十分之嫩，超好食。至於另外嗰樣就係我呢個最鍾意食蟹嘅人叫嘅，椒氣勃勃招牌白胡椒蟹炆飯底，淨係蟹都有差不多一斤重，全部都勁厚肉，白胡椒完全唔會蓋過蟹嘅鮮味，只係增添咗味道嘅層次。本來
可惜今日我公司真係超級忙，搞到成八點先至嚟到，匆匆忙忙咁上到嚟之後，一入到嚟都嚇親，完全係全場爆滿，勁熱鬧，而餐廳有一部份咁啱都用咗嚟俾人擺婚宴。雖然十分之忙，樓面侍應亦都唔太多，但係見到大家都用心盡力去做，值得誇獎一下！
睇咗餐牌一陣，發覺有好多優惠，又有羊腩煲，又有大閘蟹，最後我就決定咗叫孖寶一號套餐同椒氣勃勃招牌白胡椒蟹炆飯底。孖寶一號套餐有蔥油蒸虎杉斑仔一條同燒味拼盤一碟，呢個孖寶總共都係$498。講真嗰句，要喺香港食到一條高質嘅蒸魚真係唔會平，何況呢度真係勁高質，到剛剛好，成條魚都保持得好嫩滑，亦都食得出係用熱油淋過啲蔥，因為有淡淡嘅蔥香味。燒味拼盤有叉燒、脆皮燒腩仔、鴨胸同雲耳涼拌。燒腩仔相當之趣，叉燒亦都肥瘦恰當，鴨胸亦都十分之嫩，超好食。至於另外嗰樣就係我呢個最鍾意食蟹嘅人叫嘅，椒氣勃勃招牌白胡椒蟹炆飯底，淨係蟹都有差不多一斤重，全部都勁厚肉，白胡椒完全唔會蓋過蟹嘅鮮味，只係增添咗味道嘅層次。本來原價$498，而家做優惠，所以只要$368 ，勁抵食，加埋個飯都完全冇馬虎，一上枱已經聞到好香！
食完之後完全明白點解公司啲人會book枱嚟呢度食聚餐或者Annual dinner。呢個價錢有呢個質素真係絕對超值！
張貼
