初味

營業中

休息中

好耐無食西餐，就上網搵下資料，就發現呢間餐廳啦。見評語都係話食材優質，性價比高等等，就打電話去book位啦。睇餐牌已經即刻鎖定主菜，西班牙燒乳豬 + 炭燒加拿大豬鞍，嚟個全豬宴。其實都想食安格斯斧頭扒，不過2個人怕食唔晒，留返下次多幾個人一齊食先叫嚟食啦。西班牙燒乳豬真係要等一段時間先有得食，應該係即叫即燒，外皮脆卜卜之餘，入面D肉都好滑，有好多肉汁，真係好好食，好食過有D酒樓嘅凍冰冰乳豬。食過乳豬本來以為加拿大豬鞍肉質會比較硬，但係豬鞍肉食落依然係嫩滑有肉汁，一D都唔輸蝕畀乳豬，肉味比乳豬更加濃。