遇見小麵 (黃埔天地奇妙坊(第1期))

營業中

休息中

今次去食咗內地過江龍遇見小麵，咁啱經同阿媽經過紅磡，所以試吓。叫咗兩個麵同兩個嘢飲。講下酸辣粉，呢碗係招牌菜，湯底酸辣適中幾開胃，辣味都勁。粉質地爽滑彈牙，唔會爛亦唔會過硬，吸收咗湯底嘅味道。跟住叫咗紅碗碗雜麵，呢碗麵拌上各式配料，每一口都有唔同嘅質感。配搭上濃郁嘅紅油醬汁，食落去幾正。麵條亦都煮得啱啱好，唔會過淋，整體味道非常豐富，但辣味比較勁。唔太能食辣嘅朋友可能要小心啲。至於飲品，叫咗白玉酸梅湯，呢款酸梅湯夠酸夠甜，非常解膩。另一杯白肉厚揶乳，椰香味非常濃郁，口感好似厚實版嘅椰子奶，呢杯唔會話好甜，冇嗰種糖精味，係幾推介。