大將 (已結業)

久唔久就會想食牛肉火鍋放題瘋狂食肥牛🥩🥩🥩，今次去咗試呢間環境充滿日式氣氛嘅火鍋放題。咁耐冇食決定豪個🇯🇵北海道黑毛和牛放題$338 再加$45升級食埋澳洲羊肉放題，和牛油脂分布平均、入口甘香；羊肉肉質鮮嫩，香而不會太羶；通常對豬肉冇乜期望，估唔到碟阿古豬🐖五花咁香，忍唔住食咗兩碟。最滿意呢度加單速度快，碟碟肉都質素平均，食得非常滿足！呢度嘅湯底係一人一鍋🥘，有九款口味可以選擇，部份湯底要另加$，我哋揀咗🥛豆乳美人湯 （+$15）同🌶麻辣味增湯。美人湯湯底清甜帶陣陣豆香，麻辣鍋香氣十足，非常惹味，辣度適中。同其他火鍋放題一樣，自助區有🥬大量蔬菜、丸類、飲品自取，呢度亦有冷盤同炸物供應，日本雞蛋🥚亦不用加錢，另追加大蟹棒4條只係$32；飲品有自助汽水機、樽裝飲品、咖啡機及熱茶等；甜品有軟雪糕🍦同好有新意嘅自制格仔餅🧇，整一塊只需1分鐘，味道唔錯好滿足！💁🏻‍♀️餐廳座位非常舒適日頭仲有日光滲入，自助區位置集中，上菜速度快，即使限時90分鐘亦唔覺好趕，而家openrice🍚 預約仲有優惠，打算去食嘅朋友記得留意吓。