Mango Madness

營業中

休息中

經過金鐘廊好幾次，留意到呢一間芒果飲品專門店，門口仲有售賣新鮮芒果，睇嚟真係芒果迷既朝聖地！今日早咗放工，有一個悠閒嘅下午，就諗住買杯飲品，慰勞吓自己😊😊原來除咗飲品，仲有幾款甜品選擇。認真睇佢哋嘅餐牌，每一款飲品都好特別，仲有一啲好健康嘅材料，好似奇亞籽、豆奶、薑黃粉、螺旋藻等等，好多超級食物！抹茶時光我都幾鍾意牛油果，但係從來冇諗過可以同芒果擺埋一齊，所以膽粗粗試吓😄😄依杯飲品結合左芒果、牛油果、抹茶、乳酪、椰奶，味道層次豐富，又有少少複雜，好特別！牛油果味好突出，但飲飲下又會有陣陣嘅抹茶味道，係抹茶粉發揮嘅功效，跟住又可以食到甜甜地嘅芒果粒粒，成件事幾有趣，幾清新👍🏼👍🏼買大杯嘅飲品，可以用優惠價買甜品，咁我嘅下午茶就更加圓滿啦！木糠布甸配搭上芒果，原來都幾好食！因為芒果本身都好軟熟，又多汁，配上同樣軟熟嘅木糠布甸，口感好柔軟好滑，推薦！另外買咗一杯薄荷旋風俾屋企人，評價都係一樣，健康、有趣、清新如果大家都鍾意創新嘅飲品食品概念，又或者好鍾意芒果/ superfood，咁就可以bookmark呢間小店，分分鐘有驚喜！