影片
更多
2020-02-27
1471 瀏覽
今晚同朋友嚟到呢間喺元朗錦田高埔村入面嘅隱世鐵板燒餐廳，如果唔係有人極力推薦，我都唔會去到，我喺錦上路西鐵站再轉巴士去高埔村，再喺高埔村行一段路先嚟到！原本我以為會冇乜人食，點知一入到餐廳，發覺bar枱已經滿咗，睇唔到師父即場燒！不過兩個人可以坐四人枱，地方都幾闊落！我哋揀咗龍蝦鐵板燒套餐，$1980 兩個人，一共有十一道菜！我會重點講幾樣最好食嘅嘢！首先嚟嘅係野菜沙津同埋白粟米，白粟米真係超鮮甜，有種忌廉嘅味！原來佢唔係跟menu順序出，師傅會安排啲嘢食上嘅次序，同埋煮之前會拎過嚟俾我哋睇下！下面係日本響螺、帆立貝同埋白甘鯛~呢個日本響螺好食，味道非常清甜，又夠爽口！帆立貝同我平時食法嘅食法完全唔同，師傅加咗啲自己醃製嘅魚子喺面，再將佢哋浸喺紫菜湯入面，帆立貝煎至外脆內嫩，加埋魚子嘅鮮甜，真係好夾！白甘鯛又係好好食嘅一樣，香港應該好少地方有得食呢樣，我喺日本食過一次！我敢講呢到嘅水準真係拍得住我喺日本食嗰啲！師傅將魚用油炸起咗，所以魚鱗係可以食埋，夠香脆！佢呢個調味係薯蓉特製嘅醬汁，特別得嚟好好食！重頭戲係伊勢龍蝦，呢個品種龍蝦出名高質，頭先上枱嘅時候仲見到佢郁咗一郁，都幾生猛！肉質
原本我以為會冇乜人食，點知一入到餐廳，發覺bar枱已經滿咗，睇唔到師父即場燒！不過兩個人可以坐四人枱，地方都幾闊落！我哋揀咗龍蝦鐵板燒套餐，$1980 兩個人，一共有十一道菜！我會重點講幾樣最好食嘅嘢！
首先嚟嘅係野菜沙津同埋白粟米，白粟米真係超鮮甜，有種忌廉嘅味！
原來佢唔係跟menu順序出，師傅會安排啲嘢食上嘅次序，同埋煮之前會拎過嚟俾我哋睇下！下面係日本響螺、帆立貝同埋白甘鯛~
呢個日本響螺好食，味道非常清甜，又夠爽口！
帆立貝同我平時食法嘅食法完全唔同，師傅加咗啲自己醃製嘅魚子喺面，再將佢哋浸喺紫菜湯入面，帆立貝煎至外脆內嫩，加埋魚子嘅鮮甜，真係好夾！
白甘鯛又係好好食嘅一樣，香港應該好少地方有得食呢樣，我喺日本食過一次！我敢講呢到嘅水準真係拍得住我喺日本食嗰啲！師傅將魚用油炸起咗，所以魚鱗係可以食埋，夠香脆！佢呢個調味係薯蓉特製嘅醬汁，特別得嚟好好食！
重頭戲係伊勢龍蝦，呢個品種龍蝦出名高質，頭先上枱嘅時候仲見到佢郁咗一郁，都幾生猛！肉質超級無敵彈牙，師傅淨係用咗龍蝦膏嚟炒，簡簡單單已經將最鮮嘅味帶咗出嚟！十級推薦呢個！
A5鹿兒島和牛，可以選擇要厚切定薄切，我揀咗薄切，和牛嘅油脂勁豐富，所以師傅加咗好多葱同蒜片去中和返！
櫻花蝦炒飯
炒野菜
鯛魚湯
紅豆味雪糕
總括嚟講，大家唔好俾呢個價錢嚇親，覺得太貴唔嚟食，呢到係用日本靚料嚟煮，師傅應該都花咗唔少心機去設計菜式，如果要揾間好少少嘅餐廳嚟慶祝乜都好，我會推薦呢間----崟！
btw一定要訂位，呢到真係好full.....
張貼
