影片
更多
2023-12-03
31 瀏覽
熊本牛鍋 Kumamoto 📍元朗元朗安寧路38號世宙商場地下24號舖終於嚟到12月啦，係朋友生日月，當然成個月都要為佢安排滿滿嘅行程慶祝啦！難得佢抽到時間入元朗，我緊係盡地主之誼，帶佢去我心目中最抵食嘅任食火鍋店，俾佢大吃盡吃啦！我同屋企人食過熊本牛鍋幾次，冇一次係唔會攬住個肚走嘅，真係覺得佢哋做生意好老實，而且唔限時嘅任食火鍋真係唔係度度都有㗎，加上食材一啲都唔馬虎，夠晒新鮮種類又豐富，就連飲品都有超過40款選擇，真係諗唔到有咩理由唔幫襯佢！今次去到發現佢哋又有新嘢推出，只要揀選無限時任食套餐，不論套餐價錢，都會送一鍋日式和風雞煲，CP值高到你唔信呀！見今次係佢生日嘅月份，我就揀咗人頭費$300內嘅中級澳洲和牛套餐，等佢今次一餐入面食返多啲唔同種類嘅牛肉，彌補平時同我一齊出街食飯無得食牛肉嘅缺失。雞煲澳洲和牛套餐 🍲熊本嘅雞煲我食過幾次，對上一次我食嘅雞煲入邊係有放埋蜆同蝦等等嘅海鮮一齊煮，所以除咗食到濃郁嘅雞味，仲有淡淡嘅海鮮香味。今次呢款和風雞煲呢醬汁方面依然出色，濃稠度剛剛好，分量接近有半隻雞，兩個人食真係夠晒有突。雞煲食到咁上下，可以請店員喺雞煲上面放上蒸籠，將大蝦、扇貝、
📍元朗元朗安寧路38號世宙商場地下24號舖
終於嚟到12月啦，係朋友生日月，當然成個月都要為佢安排滿滿嘅行程慶祝啦！難得佢抽到時間入元朗，我緊係盡地主之誼，帶佢去我心目中最抵食嘅任食火鍋店，俾佢大吃盡吃啦！
我同屋企人食過熊本牛鍋幾次，冇一次係唔會攬住個肚走嘅，真係覺得佢哋做生意好老實，而且唔限時嘅任食火鍋真係唔係度度都有㗎，加上食材一啲都唔馬虎，夠晒新鮮種類又豐富，就連飲品都有超過40款選擇，真係諗唔到有咩理由唔幫襯佢！
今次去到發現佢哋又有新嘢推出，只要揀選無限時任食套餐，不論套餐價錢，都會送一鍋日式和風雞煲，CP值高到你唔信呀！見今次係佢生日嘅月份，我就揀咗人頭費$300內嘅中級澳洲和牛套餐，等佢今次一餐入面食返多啲唔同種類嘅牛肉，彌補平時同我一齊出街食飯無得食牛肉嘅缺失。
雞煲澳洲和牛套餐 🍲
熊本嘅雞煲我食過幾次，對上一次我食嘅雞煲入邊係有放埋蜆同蝦等等嘅海鮮一齊煮，所以除咗食到濃郁嘅雞味，仲有淡淡嘅海鮮香味。今次呢款和風雞煲呢醬汁方面依然出色，濃稠度剛剛好，分量接近有半隻雞，兩個人食真係夠晒有突。
雞煲食到咁上下，可以請店員喺雞煲上面放上蒸籠，將大蝦、扇貝、蜆、鮑魚、帶子等等嘅海鮮，用雞煲嘅蒸氣蒸7分鐘。呢種層層疊方式用喺雞煲度我都真係第一次見咋！雞煲醬汁嘅香氣，透過蒸氣蒸上上層嘅海鮮；上層嘅海鮮鮮甜嘅精華又可以滴返落雞煲度，加入清湯後就可以用嚟打邊爐，諗到呢個食用方法嘅人真係好聰明，要俾隻手指公佢讚吓佢啊！
蒸海鮮，果然蒸7分鐘就恰到好處，上面嘅醬汁好好味，配以海量蔥、薑、蒜，食盡各種生猛海鮮嘅原汁原味！
肉類方面，我哋叫咗頂級牛肉、美國頂級牛肩胛、加拿大極嫩保濕豬片、M8-M9澳州和牛同牛白肉。
加拿大極嫩保濕豬片 🐖
保濕豬片呢個名真係好得意，豬肉片真係勁嫩極濕潤，就好似敷過mask一樣咁滑捋捋，豬味香濃，脂肪比例亦好均勻，接近入口即溶！
M8-M9澳州和牛 🐄
食呢個套餐又點可以唔介紹澳洲和牛呢？睇圖就知道啲紋理幾靚、肉色有幾靚啦！果然食牛就一定要食和牛，脂肪比例完美，入口後牛香走勻晒個口，呢個價錢仲可以任食，認真抵到爛！
牛白肉 🐄
牛白肉係肥大嘅牛隻先有嘅稀有部份，係牛胸前面嘅一小塊脂肪，雖然睇落肥膩咋，但其實佢口感係偏韌，略帶爽脆，㗳真啲仲有好香嘅牛油香氣，喺一般嘅任食火鍋店未必會食到㗎！
除咗上面介紹嘅食材，其實自助吧都有好多其他嘅火鍋配料可以選擇，不過作為細胃嘅代表，我都唔敢眼闊肚窄食咁多，因為我食晒雞煲同啲肉就已經覺得有啲飽！
飲品方面呢，有好多罐裝嘅飲品係市面上比較少油嘅，鍾意飲嘢嘅人嚟到呢度就可以大快朵頤啦！我自己呢就比較欣賞佢哋自家製嘅涼茶系列，特別係夏枯草啊，食雞煲打邊爐咁熱氣，飲返枝就下晒火！
你都想食鮮味十足嘅蒸海鮮？方法好簡單，你只需要去熊本page comment，like & share (CLS)就可以領取！每日數量有限，送完即止，不過放心，只要你係提早預約，係會獲優先安排㗎，仲唔快啲打卡換咁好味嘅蒸海鮮？
優惠打孖嚟，如果你好似我朋友咁係當月生日嘅話，只需要喺WhatsApp提早預訂同指明想享用生日優惠，就可以享有4人或以上同行，壽星免費兩款套餐其中一款㗎啦！（價值$268皇牌套餐或價值$298澳洲和牛套餐）
喺呢度仲想特別講吓佢哋嘅會員獎賞計劃，惠顧後就會獲得一張會員儲印卡，食完會按人頭吸印章，儲夠一定嘅印章可以換領唔同獎品！獎品非常之豐富，去食嘅話記得儲分啊！（詳情及細則請參閱熊本官方社交平台）
張貼
