影片
更多
2018-03-03
845 瀏覽
難得有朋友係港島入元朗，一定要帶佢食肥姐蠔餅！呢日平日晏晝嚟到，唔使排隊就有得食。之前我淨係食蠔餅，今次同朋友叫咗一份蠔餅同泰式鳳爪share食，都算係新嘗試。蠔餅唔使講，一個字：正！睇圖都見到，大大粒蠔，主力掃街嘅話，同朋友2人share一份就啱啱好。另外再配埋佢酸酸辣辣嘅辣椒醬，減低咗佢本身油膩嘅感覺！泰式鳳爪本身微辣，可以自己再加辣椒醬調味。而最方便嘅係，佢啲鳳爪係無骨！啖啖肉好方便，始終有骨無咁方便呀嘛～另外入面會有洋蔥，見佢個樣似生生哋，有少少驚辣同埋食完個口會臭，打算食幾條試下味就算，點知內裏有驚喜！擺咗一條洋蔥入口，完全無生嘅感覺，但係又好爽口，可能係事前落功夫辟咗份生辣嘅感覺。食食下肥姐仲問我哋好唔好食，佢話個鳳爪唔擺出嚟都好多人叫，或者未食過都唔會信，但我信了。
蠔餅
$30
153 瀏覽
0 讚好
0 留言
蠔餅唔使講，一個字：正！睇圖都見到，大大粒蠔，主力掃街嘅話，同朋友2人share一份就啱啱好。另外再配埋佢酸酸辣辣嘅辣椒醬，減低咗佢本身油膩嘅感覺！
無骨泰式鳳爪
$35
112 瀏覽
0 讚好
0 留言
泰式鳳爪本身微辣，可以自己再加辣椒醬調味。而最方便嘅係，佢啲鳳爪係無骨！啖啖肉好方便，始終有骨無咁方便呀嘛～
另外入面會有洋蔥，見佢個樣似生生哋，有少少驚辣同埋食完個口會臭，打算食幾條試下味就算，點知內裏有驚喜！擺咗一條洋蔥入口，完全無生嘅感覺，但係又好爽口，可能係事前落功夫辟咗份生辣嘅感覺。
食食下肥姐仲問我哋好唔好食，佢話個鳳爪唔擺出嚟都好多人叫，或者未食過都唔會信，但我信了。
張貼
