維港灣餃子坊

營業中

休息中

聽講元朗呢間餃子舖好出名，之前見人講要排隊先食到。今日係閒日夜晚嚟食就唔係好多人可以即入唔洗等😬叫咗個招牌四拼湯餃，會送埋一碗老火湯。餃子皮薄肉多，確實幾好食😋我覺得大白菜餃係最好食😬湯底就相對失色少少比較淡口。另外仲叫咗芝士粟米雞肉煎餃，一咬落去脆卜卜入邊仲好多芝士添！難怪係人氣之選！不過個人就覺得湯餃比較好食啲。試咗花雕醉雞都唔錯，份量好多，酒味好濃，而且啲雞都幾滑。香芋地瓜九都好好食，芋頭味好出。最後仲要多咗碗湯餃，兩個人食咗咁多嘢都只係每人$100 ，真係好抵食！