Chill and Grill

營業中

休息中

餐廳雖然裝過修，比上次食嗰陣空間感少咗，但係面積超大。裝修喺同區相當少見，除咗中間設有圓形廚師工作間之外，仲可以喺千秋同聖誕樹下打卡。先試下龍蝦湯，店員會即場表演倒湯，非常濃郁。紅菜頭乳酪雞翼意外地夾，帶少少酸味，色澤同味道俱全。而主菜叫咗三款。美國牛肉眼肉質比較鬆軟，5成熟，煎得啱啱好。燒法國黃油全雞外皮幾香脆，鹹味突出，肉質鮮嫩。唔少得叫西班牙海鮮炒米粒麵，係呢度嘅招牌菜，有青口、蝦等海鮮。蕃茄味香濃，佈滿每粒米粒麵。米粒麵賣相有啲似意大利飯，但係更大粒同更加粒粒分明。美食在前，唔少得摸下酒杯底，試下雞尾酒 名叫「輕鬆自在 」，以蜜桃菠蘿味為主，容易入口。就快聖誕，買定蝴蝶酥同曲奇送禮，禮盒超級精美，自己亦私藏咗蝴蝶酥。