西貢街頭越南牛肉粉

營業中

休息中

今日去灣仔克街六號廣生行大廈嘅西貢街頭越南牛肉粉食午餐,餐廳嘅座位寬敞,約朋友一齊食個午餐,傾下偈,係一個好嘅選擇。我叫咗一個套餐，香茅豬扒湯粉加一杯香茅鮮橙茶，還加添咗馬拉盞炒芥蘭，覺得好滿足，吃得好飽。豬扒入味大大件，煎得香，河粉大大碗，非常飽肚又爽滑。馬拉盞芥蘭炒得青翠微辣，非常之開胃。香茅鮮橙茶有一片薄荷葉，顏色好靚而且有淡淡嘅橙味非常之解渴。朋友叫咗香茅牛肉飯，蒸粉包同埋脆春卷，又叫咗話梅鹹金桔水。香茅牛肉同樣入味，夠淋，分量唔少呀！仲有兩塊煎蛋，味道好，分量又多。朋友鍾意食越南春卷，剛剛炸嘅春卷又熱又脆，裏面有好多餡。蒸粉包的粉皮煙煙韌韌，裡面有豬肉木耳紅蘿蔔等。呢度嘅食物分量係非常之夠。話梅鹹金桔水係朋友嘅摯愛，潤喉酸酸甜甜，她十分欣賞。