影片
更多
2025-05-20
2266 瀏覽
優美情調之選《Odelice!》想食法國餐，不妨試下法國菜館《Odelice!》☺️，環境優美之餘，嘢食質素都非常之好。凱撒沙律：沙律菜幾新鮮，小量既法式麵包粒，再配上酸酸甜甜嘅醬汁，非常開胃😊。炸辣蟹肉球 + 地中海大蜆鍋：蟹肉球軟淋淋，香辣味道，口感彈牙，正👍🏻；大蜆份量十足，而且大隻😆。青豆醬燴飯：最有驚喜嘅菜式😍。本身我同朋友對於青豆都唔係好喜歡，但之前有朋友嚟食過，推介一定要叫，仲話好好食，結果原來係真既🙈。有別於傳統青豆嘅草青味道，呢款青豆醬濃郁之餘，仲有小小酸酸鹹鹹，撈飯食一流，對於不喜好青豆嘅朋友，絕對可一試😎。安格斯柳眼扒配薯條(7成熟)：柳眼扒啖啖肉，量份大之餘，肉質鮮嫩，筋位食落唔黐牙，呢樣要讚😝。美式咖啡 + 青蘋果抹茶特飲：傳統嘅美式咖啡非常醒神😇；青蘋果抹茶特飲幾特別，雖然青蘋果味比較重，但係飲到尾亦都有抹茶淡淡嘅香味，幾特別同清新😇。法國黑朱古力慕絲：幾特別擺設，餐廳非常貼心用朱古力醬寫咗句happy birthday😊，因為咁啱食飯當個星期，就係我朋友生日🎂。味道方面 朱古力慕絲味濃郁、香滑及可口。總結：首先，餐廳做緊promote，嗌半打生蠔送兩杯白酒，
想食法國餐，不妨試下法國菜館《Odelice!》☺️，環境優美之餘，嘢食質素都非常之好。
凱撒沙律：
沙律菜幾新鮮，小量既法式麵包粒，再配上酸酸甜甜嘅醬汁，非常開胃😊。
炸辣蟹肉球 + 地中海大蜆鍋：
蟹肉球軟淋淋，香辣味道，口感彈牙，正👍🏻；大蜆份量十足，而且大隻😆。
青豆醬燴飯：
最有驚喜嘅菜式😍。本身我同朋友對於青豆都唔係好喜歡，但之前有朋友嚟食過，推介一定要叫，仲話好好食，結果原來係真既🙈。有別於傳統青豆嘅草青味道，呢款青豆醬濃郁之餘，仲有小小酸酸鹹鹹，撈飯食一流，對於不喜好青豆嘅朋友，絕對可一試😎。
安格斯柳眼扒配薯條(7成熟)：
柳眼扒啖啖肉，量份大之餘，肉質鮮嫩，筋位食落唔黐牙，呢樣要讚😝。
美式咖啡 + 青蘋果抹茶特飲：
傳統嘅美式咖啡非常醒神😇；青蘋果抹茶特飲幾特別，雖然青蘋果味比較重，但係飲到尾亦都有抹茶淡淡嘅香味，幾特別同清新😇。
法國黑朱古力慕絲：
幾特別擺設，餐廳非常貼心用朱古力醬寫咗句happy birthday😊，因為咁啱食飯當個星期，就係我朋友生日🎂。味道方面 朱古力慕絲味濃郁、香滑及可口。
總結：
首先，餐廳做緊promote，嗌半打生蠔送兩杯白酒，幾正架😬。法國餐一向畀人嘅感覺都係高貴、華麗、而且價錢偏貴🤑。但係位於新城市廣場，餐廳飯價錢比較平民同性價比高，而且食飽，有機可以食多次😙。
張貼
