影片
更多
2024-01-23
177 瀏覽
🌼Nam Viet Nam Cafe 🌼呢一間位於旺角嘅越南餐廳，呢度嘅裝修就好似夜市咁，有一個大大嘅霓虹燈懸掛😆，面積唔算好大，一眼幾乎望晒，枱凳以木為主，旁邊有一大塊玻璃，可以望住旺角景色，依家幾乎大部份都係電子落單，佢哋嘅Menu種類都算多，基本上越南嘅熱門嘢食都可以嗌到👍🏻🫔扎肉心內美米紙卷 $65 :呢一款扎肉米子卷絕對係健康之選🥹，裏面幾乎冇乜太多嘅醬料，青瓜，粉絲，蘿蔔絲同埋扎肉都係比較淡味😌，唯獨係佢哋配製嘅醬料較為香濃👍🏻，價錢方面就見仁見智，不過佢大部份嘅嘢食都覺得偏貴，賣相又一般🥖NVN 南越法式麵包 $78 :呢一款必食法包原先係一整條上，可以叫佢哋切件上就會易食好多👍🏻，佢裏面嘅餡料都幾豐富，除咗扎肉之外仲有燻蹄肉同豬耳等，食落都幾惹味😋，不過蘿蔔絲就多咗啲，法包都整到超脆，裏面軟熟，係唔錯，不過就要成$80一份就唔係幾抵😩🐷惹火上身鹹檸豬頸肉 $70: 我見有好多人嗌，所以就叫嚟試吓，個賣相係幾特別，用咗葉墊底，再加上菠蘿🍍做伴碟，食起上嚟更加開胃，豬頸肉係燒得唔錯，似蜜糖豬頸肉🤤，不過其實唔係好明點解拎上嚟仲要再燒一燒佢，可能係噱頭，但係份豬頸肉冇變過😂🍜
🫔扎肉心內美米紙卷 $65 :呢一款扎肉米子卷絕對係健康之選🥹，裏面幾乎冇乜太多嘅醬料，青瓜，粉絲，蘿蔔絲同埋扎肉都係比較淡味😌，唯獨係佢哋配製嘅醬料較為香濃👍🏻，價錢方面就見仁見智，不過佢大部份嘅嘢食都覺得偏貴，賣相又一般
🥖NVN 南越法式麵包 $78 :呢一款必食法包原先係一整條上，可以叫佢哋切件上就會易食好多👍🏻，佢裏面嘅餡料都幾豐富，除咗扎肉之外仲有燻蹄肉同豬耳等，食落都幾惹味😋，不過蘿蔔絲就多咗啲，法包都整到超脆，裏面軟熟，係唔錯，不過就要成$80一份就唔係幾抵😩
🐷惹火上身鹹檸豬頸肉 $70: 我見有好多人嗌，所以就叫嚟試吓，個賣相係幾特別，用咗葉墊底，再加上菠蘿🍍做伴碟，食起上嚟更加開胃，豬頸肉係燒得唔錯，似蜜糖豬頸肉🤤，不過其實唔係好明點解拎上嚟仲要再燒一燒佢，可能係噱頭，但係份豬頸肉冇變過😂
🍜［嫲嫲南越湯］招牌金邊粉 $88 :呢碗金邊粉要成$90睇吓佢有幾巴閉先，裏面嘅配料又真係幾豐富，有肥牛，牛展，牛腩同埋牛丸，再加埋油炸鬼，牛味係幾重，炆到好腍身👍🏻，湯底係幾濃郁，金邊粉方面份量適中，食落幾爽，唔會好腍，係唔錯嘅😋😋
🍰香蕉薄餅 $48 :最後叫咗個甜品，香蕉薄餅，整體味道唔算好特別，都係以香蕉同朱古力為主，薄餅比較薄，唔夠脆，賣相一般😩
🍵接骨木花茶青蘋果(熱) $30 :嘢飲方面呢一杯蘋果茶加咗茶包，青蘋果片，味道唔算香濃，其實都幾細杯，唔係好抵😩😩
🍹斑蘭龍眼茶（冷） $25 :另外呢支龍眼茶佢個樽幾特別，都係一早調校好晒，味道唔錯，斑蘭味嘅嘢飲其實喺出邊比較少，所以係幾特別👍🏻
張貼
