吉勝吉列串揚專門店

營業中

休息中

好少過嚟大角咀做嘢，人生路不熟唯有隨心搵食，見呢間餐館上價錢親民裝修唔錯，一於試試。餐牌種類選擇十分多，有刺身壽司、魚生丼、有熟食、有吉列燒物，梗有一款啱食！前菜我揀了八爪魚刺身、三塊只需$25，八爪魚爽口彈牙、沾上少許Wasabi食不錯！小食則選擇日本紫芋甘栗薯餅，二塊$38性價比高，師傅細心地切開上菜，紫芋香氣四溢，甘栗甜味可口，二者配合不錯，絕對有驚喜！見隔離枱的食客都是點了吉列系列，應該也是餐廳的招牌菜，所以我也點了吉列豬扒定食試試，豬扒是來自西班牙的白豚肉，是屬於較厚身的！豬扒兩邊炸至金黃色，肉質唔鞋食落啖啖肉！上菜時職員會教你把芝麻磨碎混入吉列醬汁，令豬扒更加分！是日午餐人均約一百元，價錢親民抵食。