影片
更多
2024-04-20
249 瀏覽
大角咀好多小店，呢一間經過門口覺得入邊好多人，所以就入咗去食啦，入邊嘅裝修都幾用心，係泰國嘅篤篤車🛺 色彩繽紛好熱鬧嘅感覺，可惜滿座所以我同朋友就坐咗卡位～ 嘢食方面兩個人就叫咗一個二人餐 $298 ，a揀1款，b揀2款，我覺得都幾彈性，選擇都多，A可以有成5個選項，仲有泰國夜市最紅嘅火山排骨！我同朋友叫咗一個焗黃咖喱軟殼蟹包，上到嚟份量都幾大，大約係一個男仔手板咁多，咬開唔會淨係得炸粉，有軟殼蟹嘅蟹肉感！當然軟殼蟹重點係佢嘅殼同埋出邊炸漿吸咗滿滿嘅咖喱汁！黃咖喱比想像中唔辣，主要係香口，我覺得唔食得辣嘅都可以食，仲有蕃茄同紅椒等等嘅伴碟，口感都幾豐富，包嘅份量都好多，旁邊嘅黃咖喱汁都足夠去吸滿晒成個包，唔會乾噌，唔使另外再加薄餅同白飯～ B款就要左泰式肉碎生菜同鮮蝦炒金邊粉，泰式肉碎生菜包對我嚟講辣到要配嘢飲💁🏻♀️ （我平時大概食開辛辣麵嘅程度）炒得非常之有泰式風味，有香葉嘅味道，肉碎好多汁，生菜好新鮮爽脆，肉碎嘅份量非常多唔會唔夠包菜🥬，作為前菜嚟講好香口！鮮蝦炒金邊粉用左鮮蝦，所以上碟都真係好彈牙同埋有海鮮味，唔會好雪藏嘅感覺，大概有八隻至十隻嘅份量，驚喜嘅係除咗寫明既鮮蝦之外
大角咀好多小店，呢一間經過門口覺得入邊好多人，所以就入咗去食啦，入邊嘅裝修都幾用心，係泰國嘅篤篤車🛺 色彩繽紛好熱鬧嘅感覺，可惜滿座所以我同朋友就坐咗卡位～
嘢食方面兩個人就叫咗一個二人餐 $298 ，a揀1款，b揀2款，我覺得都幾彈性，選擇都多，A可以有成5個選項，仲有泰國夜市最紅嘅火山排骨！我同朋友叫咗一個焗黃咖喱軟殼蟹包，上到嚟份量都幾大，大約係一個男仔手板咁多，咬開唔會淨係得炸粉，有軟殼蟹嘅蟹肉感！當然軟殼蟹重點係佢嘅殼同埋出邊炸漿吸咗滿滿嘅咖喱汁！黃咖喱比想像中唔辣，主要係香口，我覺得唔食得辣嘅都可以食，仲有蕃茄同紅椒等等嘅伴碟，口感都幾豐富，包嘅份量都好多，旁邊嘅黃咖喱汁都足夠去吸滿晒成個包，唔會乾噌，唔使另外再加薄餅同白飯～
B款就要左泰式肉碎生菜同鮮蝦炒金邊粉，泰式肉碎生菜包對我嚟講辣到要配嘢飲💁🏻♀️ （我平時大概食開辛辣麵嘅程度）炒得非常之有泰式風味，有香葉嘅味道，肉碎好多汁，生菜好新鮮爽脆，肉碎嘅份量非常多唔會唔夠包菜🥬，作為前菜嚟講好香口！
鮮蝦炒金邊粉用左鮮蝦，所以上碟都真係好彈牙同埋有海鮮味，唔會好雪藏嘅感覺，大概有八隻至十隻嘅份量，驚喜嘅係除咗寫明既鮮蝦之外，仲有蜆仔同埋魷魚🦑，唔同嘅海鮮加埋口感更加豐富，炒金邊粉佢係比較濕潤油香爆炒，味道唔辣，份量多～ 二人餐嚟講食完三樣嘢都好夠飽
嚟到泰國鋪都有好多款特色嘢飲，叫咗龍眼冰，咸檸7，野飲跟餐有半價，兩杯都係$13，幾抵飲，同埋都真係幾辣個生菜包，一定要配清涼既野飲 🤣 龍眼冰啲龍眼落得好豪爽，差唔多有10粒，好清甜 ，解辣一流⭐️
我見到隔籬枱嘅炭燒豬頸肉係有埋一個細細嘅炭爐慶住啲豬頸肉唔會凍覺得都幾貼心，下次可以再食🤣覺得價錢人均唔洗200蚊到都幾相宜
張貼
