發記海鮮酒家

營業中

休息中

朋友揸車接我收工一齊去食晚飯，提議去布袋澳一間幾出名，好多明星都去嘅星級海鮮飯店，將車泊喺大坳門路錶位，一邊睇風景一邊行落去，原來惠顧酒家有車位可泊，仲有小巴來回將軍澳，下次會醒目了。芝士焗龍蝦生麵底，龍蝦新鮮彈牙，芝士香濃，生麵吸收芝士好食。酥炸墨魚，炸鮮魷食得多，炸墨魚第一次食，墨魚新鮮有彈性，一啲都唔韌一咬就斷，外層香脆。豉椒炒蟶子腸粉底，用好大條蟶子皇炒新鮮爽彈，鮮味十足，醬汁好惹味微微香辣唔會搶咗蟶子鮮味，腸粉做底亦係好正。蒜蓉粉絲蒸元貝，蒜蓉加粉絲同元貝混為一體，同樣爽滑。果皮蒸鮑魚，鮑魚啱啱熟，果皮香味滲入鮑魚，點少少豉油Q彈爽脆。所有海鮮都係魚缸新鮮撈起，廚師功夫很好，味道一流而且價錢合理，愉快的一餐。