神燈海鮮酒家 (V Point)

營業中

休息中

🌀伊比利亞叉燒皇一上枱就聞到濃郁蜜香，師傅選用西班牙伊比利亞黑毛豬「梅頭」部位，以荔枝木慢燒，外層焦脆帶微微炭香，內裡肉質鬆化得嚟帶有淡淡橡果香（黑毛豬食橡果大㗎！）。最驚喜係醬汁——除咗傳統麥芽糖，仲加入少許陳皮同玫瑰露，甜中帶微辛，層次複雜到令人拍枱！🌀招牌糯米炒膏蟹野生膏蟹，蟹膏多到爆瀉，底層嘅糯米飯用蟹湯炊煮，再以蟹油炒至乾身，粒粒分明又吸盡精華，鹹鮮味瞬間爆發！食法要跟足師傅指示：先啜蟹蓋膏，再將糯米飯同蟹肉撈勻！🌀 生炸黃油雞「炸子雞」就食得多，用法國黃油雞生炸真係第一次見！雞皮薄脆如玻璃紙，秘訣在於師傅先用熱油淋雞皮定型，再慢浸炸，肉質竟然保持到啫喱狀嫩滑！🌀星洲麥皮蝦新加坡名菜嘅升級版——虎蝦足足手掌長，麥皮脆漿加入咖喱葉、辣椒乾同奶粉，酥香中帶南洋風情。蝦肉爽彈到「識跳舞」，證明火候精準！