九份飽 (屯門時代廣場南翼)

營業中

休息中

小編久唔久就會想食台灣嘢，今次為大家介紹一間價格親民又好食嘅餐廳，就係位於屯門市中心嘅九份飽啦。我地叫咗海苔肉鬆起司蛋餅、炸甜不辣同埋紅燒牛肉麵。⭐️ 海苔肉鬆起司蛋餅餡料裝得滿滿，因為包得好扎實，所以分開幾兩三啖咬都唔會散開。肉鬆+芝士，my favourite，正。🤤⭐️ 炸甜不辣第一次食甜不辣，口感好得意，煙煙韌韌。Q彈嘅炸魚餅，灑上椒鹽，調味剛剛好，搞到小編一舊接一舊好快就食曬。😋⭐️ 紅燒牛肉麵上次嚟呢間食咗紅燒牛肉米粉，今次試下麵。牛肉就一如既往嘅軟腍，而且數量都唔少。而粗身嘅手打麵的麵質QQ有嚼勁，大推。👍🏻好食又平嘅小店當然就會好多人排隊。餐廳亦都接好多外賣單，所以大家記住要預多少少時間等候啊。