大統領 (已結業)

大統領魚生丼 $128呢個丼係我每次嚟都會叫嘅野，因為魚生質素好，份量又夠多。店員話呢個丼係呢度嘅best seller我覺得呢個價嚟講係粉嶺算係偏高，但質素好，所以性價比唔錯。呢個丼有三文魚子、松葉蟹肉、三文魚、帶子同海膽。全部魚生都好新鮮，三文魚同帶子好厚肉☺️海膽同帶子味道都好鮮甜。個set仲有一個蜆肉味噌湯，都係好鮮甜。另外仲有中華沙律，西瓜伴菜。之前叫過一次app,但都係堂食最好食，有質素保證。