金金日式燒肉店

營業中

休息中

估唔到晚市前夕，6:30前去食日式燒肉竟然有半價優惠餐單，都可以食得滿足，物廉價美。餐廳環境清幽，一旁既酒架將酒display曬出黎，別樹一格。鏈鎖牛翼板差唔多40厘米長，夾上去燒果下都嚇親，真係好似一條鎖鏈一樣，環環相扣。牛翼板食落去軟嫩適中，鮮甜有牛味，唔會油膩。溫泉蛋紫菜丼份量十足，有海量既紫菜係飯上面，加上一隻溫泉蛋，將佢地拌勻，食落去紫菜碎味道濃郁突出，夠惹味。和風厚切玉子燒口感鬆軟柔嫩，經過燒烤之後，外皮酥脆，內裏依然能夠保持濕滑，雙重享受。網燒可樂雞腿肉雖然有可樂浸住，但可樂味未能夠搶過雞腿肉味。