永年士多 (香港逸東酒店)

營業中

休息中

喺逸東酒店嘅永年士多分店裝修好有特色加入咗好多本地嘅元素入邊仲有好多裝置嘅擺設，可以俾人打卡自選麵嗰份真係幾豪氣 🥢揀咗米粉配微辣咖喱，米粉軟熟但唔會爛，啲咖喱香而唔會太濃郁。牛腩牛根煮得入味又軟腍，一啖咬落去即刻溶喺口裡面。墨魚蝦卷外入面蝦滑彈牙，真係好惹味！至尊麵就更加豐富啦 🥘油麵彈牙爽滑，啲小辣咖喱香濃得啱啱好。豬手油香軟腍，豬腸同豬皮個口感一流，魚蛋彈彈地，雞翼入味多汁。最正係啲蘿蔔吸晒啲湯汁，好開胃！韮菜花炒豬紅係我嘅心水之選 🥬豬紅新鮮冇羶味，啲韮菜花爽口清香，配埋啲蒜蓉炒到香噴噴，簡單但係好正！蠔油菜心清甜爽口 🥗菜心嫩綠清脆，蠔油調味啱啱好，唔會蓋過菜嘅本味。辣串Combo就啲辣味勁咖 🌶️豬腸、牛柏葉、魚蛋，魷魚逐樣都入味，辣得過癮！奶茶同涼粉就係標準嘅解渴之選 🥤樽裝奶茶香濃夠滑，甜度適中。涼粉冰就清甜解膩，好解辣！份量同價錢都幾抵食，最重要係啲嘢食份量夠，味道又好食，餐廳乾淨企理。