呢間串燒店散發出滿滿港式情懷，招牌都用上港式花牌，離遠已經見到👾除咗裝修有好多香港標誌性擺設🪩仲推出咗個維他奶聯乘串燒套餐， 維他奶就話飲得多啫!🫣
🌀 維他奶芝士系列套餐
配合返維他奶大人細佬都啱既形象，食物都好多元🙋🏻♀️ 6款維他奶芝士串燒包括咗免治雞肉條、芝士年糕、翠玉瓜、獅子狗、豆卜、小甜薯🙈 淋上厚厚一層維他奶芝士自家製醬汁，d 醬汁多到好似瀑布咁🤫 每一款都燒得幾香口，我最鍾意免治雞肉條!
🌀 套餐仲會包3款小食-
🔅 原條蒜香燒茄子: 朋友表示茄子肉質軟嫩，超大方落勁多蒜蓉，蒜蓉香滲入每一啖
🔅 鹵水牛舌: 鹵水香味好明顯～墊底有一大塊蘿蔔，滲滿鹵水香又夠清甜
🔅 厚燒豬五花肉: 五花肉燒至外層微焦，肥而不膩。食落有少少炭香，醬汁甜甜地好開胃
🌀 蒜蓉燒蠔 6隻
蒜蓉燒蠔有6隻大大隻🦪 採用大量蒜香提升鮮味，朋友表示蠔味十足， 但要就住叫因為d蠔都好飽!
🌀 混醬薯條
係街頭版 shake shake薯條🤩 呢個好大推🤣 將裝有芝麻及糖既調味粉灑入shake shake 袋，配合埋薯條本身鹹香，味道幾得意
🌀 豬大腸 & 豬護心肉 & 蜜糖燒粟米 & 陀地醉燒豬頸肉
串燒全部都烤得好有火喉，蜜糖燒粟米清甜多汁，豬護心肉就偏乾身少少〰️
🌀 唔L同沙嗲牛麵
聽說是店家招牌，朋友忍唔住叫咗🙊 究竟同常餐沙嗲公仔麵有咩唔一樣❓ 餐廳加重咗沙嗲濃郁度，辣度都大提升，食落香濃惹味，牛肉一片片份量都唔少
🌀 維他奶奶凍黑芝麻冰 & 維他奶
維他奶搭落芝麻味又幾好! 奶凍增添咗口感，飲落清爽又有層次😙 樽裝維他奶情懷滿分
1
