影片
更多
2022-09-07
81 瀏覽
餐廳：霸王川莊 (尖沙咀)地址：尖沙咀彌敦道63號國際廣場25樓2501號舖霸王川莊 @sichuan_house 喺香港開咗八年有多，由中環搬到尖沙咀K11，最近兩三個月再搬到去I Square 25樓，一入到餐廳望到成個維港嘅景色真喺無得彈🏙，Book咗6點入座，由天光睇到日落🌄，由日落睇到入黑，淨喺望住呢個景色乜都值返晒🥰霸王川莊睇個名就知喺主打四川菜，餐廳務求將四川成都嘅美食同辣味文化帶嚟香港🌶，專程由四川空運多款獨特嘅香料同食材，以傳統煮川菜嘅方式調味，再加入新派精緻嘅上枱擺設，做出既道地又吸睛嘅四川菜，唔少得緊喺有片皮鴨、炸饅頭、酸菜魚、水煮魚、小龍蝦等啦🤤✝️烤北京片皮鴨(半隻) $298由生到熟全程用烤爐新鮮慢烤🔥，所以需時45分鐘去製作，用嘅鴨喺比較細隻🦆，食落肉質較為嫩同無咁嚡，無大隻嘅鴨咁重鴨羶味。餅皮有成十幾塊，伴菜青瓜條同蔥嘅份量都幾多，唔會有僧多粥少嘅情況出現😎，包住所有餡料一次過放晒入口，鴨嘅脂香相當吸引😋，忍唔住食完一件又一件✝️雙味小籠包 $88有特色嘅雙味雙色小籠包，紅色喺辣味麻辣小籠包，白色就喺原味霸王小籠包，裡面包住豬肉餡🐷，皮嘅厚度尚算適中，一咬開
地址：尖沙咀彌敦道63號國際廣場25樓2501號舖
霸王川莊 @sichuan_house 喺香港開咗八年有多，由中環搬到尖沙咀K11，最近兩三個月再搬到去I Square 25樓，一入到餐廳望到成個維港嘅景色真喺無得彈🏙，Book咗6點入座，由天光睇到日落🌄，由日落睇到入黑，淨喺望住呢個景色乜都值返晒🥰
霸王川莊睇個名就知喺主打四川菜，餐廳務求將四川成都嘅美食同辣味文化帶嚟香港🌶，專程由四川空運多款獨特嘅香料同食材，以傳統煮川菜嘅方式調味，再加入新派精緻嘅上枱擺設，做出既道地又吸睛嘅四川菜，唔少得緊喺有片皮鴨、炸饅頭、酸菜魚、水煮魚、小龍蝦等啦🤤
✝️烤北京片皮鴨(半隻) $298
由生到熟全程用烤爐新鮮慢烤🔥，所以需時45分鐘去製作，用嘅鴨喺比較細隻🦆，
食落肉質較為嫩同無咁嚡，無大隻嘅鴨咁重鴨羶味。餅皮有成十幾塊，伴菜青瓜條同蔥嘅份量都幾多，唔會有僧多粥少嘅情況出現😎，
包住所有餡料一次過放晒入口，鴨嘅脂香相當吸引😋，忍唔住食完一件又一件
✝️雙味小籠包 $88
有特色嘅雙味雙色小籠包，紅色喺辣味麻辣小籠包，白色就喺原味霸王小籠包，
裡面包住豬肉餡🐷，皮嘅厚度尚算適中，一咬開就爆汁，加少少醋食更加Juicy💦
✝️柱瑤鮮魚羮 $88
用桂花魚整成嘅鮮魚羮，當中加入瑤柱、蛋白、冬菇🍄、香蔥、芫荽。桂花魚比較少骨而且魚鮮味十足🐟，呢個羹帶有少少稠綿嘅質感，飲落順口鮮甜，兩個人Share啱啱好
✝️甜奶迷你小饅頭 $55
一般食炸饅頭都喺大大粒，餐廳將饅頭整成迷你一口Size，一啖一粒嘅滋味真喺幾過癮🤩，
配埋煉奶一齊食簡直天衣無縫，不過記得趁熱食，放耐咗饅頭嘅表面就會無咁脆口
✝️樱花蝦浸煮水東芥 $168
水東芥菜喺廣東省電白區嘅特產，因為形狀飽實似雞心臟，所以又叫做「雞心芥菜」🥬。水東芥菜食落爽脆無渣，清新鮮甜，屬於高檔嘅蔬菜，加上櫻花蝦同埋清湯去浸煮，鮮香味提昇咗唔少👍，唯獨感覺價錢貴咗啲🤪
✝️拔絲香蕉 $168
打卡必叫嘅甜品📸，全人手手工去整，整每一碟都要費時至少20分鐘，底下排放咗幾粒好似冰糖葫蘆咁嘅拔絲香蕉🍌，面頭捲起咗差唔多一呎高嘅糖絲，仲要喺人手將煮熱咗嘅糖漿拉成一條又一條幼絲，要求嘅技巧相當高👏。
香蕉剝皮之後沾上麵粉炸漿拎去油炸，加上糖漿，外層超鬆脆，內層熱辣辣，食落香甜而唔焦苦，不過咁甜蜜蜜嘅甜品都喺開心Share每人一兩舊好喇🤓張貼
