御膳

營業中

休息中

今時今日傳統手工菜唔係度度都食到，仲要整得好食就難上加難。 🍴古法八寶鴨鴨身入面釀入滿滿餡料，包括蓮子、紅棗、薏米、冬菇、芋頭、瑤柱、栗子、金華火腿、糯米，又滋補又好味。 🍴士多啤梨骨呢味菜亦係好少食到，將常見用嘅菠蘿改成士多啤梨，十分特別。士多啤梨醬汁酸酸甜甜，好開胃。 🍴蒜蓉粉絲蒸大元貝元貝大隻又厚肉，蒸得剛好唔會老，仲有好香嘅蒜蓉味。 🍴麻辣滷水拼盤有金錢肚，豬腸，同雞絲，滷得入味，麻辣好上癮🤣。 🍴蟹油銀芽炒麵炒麵要炒得好食都要有返咁上下功夫，呢個麵炒得好👍，特別之處係用左蟹油炒，加埋脆脆嘅芽菜韭黃同大量芝麻，唔錯！ 🍴花雕蛋白蒸大肉蟹用花雕蛋白蒸，可以食得出海鮮嘅鮮味，又帶有淡淡酒香。🍴金銀蒜龍躉腩魚腩啖啖肉好爽，配埋金銀蒜香口又惹味。