影片
更多
2025-03-22
310 瀏覽
晚市5：30開，5：29去到無人排隊，店員準時開門。揀呢間店有三個原因：1. 生燒，即係即場由生燒成熟，而不是現成來貨已經有哂醬汁嘅預制品。2. 美洲白鰻，少有哋唔係用中國貨，雖然我食唔出。3. 備長炭，有炭香味但無炭灰。招牌蒲燒鰻魚飯（$118）大約15分鐘上枱，打開個蓋，賣相不錯，鰻魚有八件，全是中間位。鰻魚尚算厚身，面層（皮）及底層（肉）都燒得好靚；鰻魚皮雖然有醬汁但仍帶微脆；鰻魚肉質唔會鬆散，嫩滑，無泥味/腥味；蒲燒醬汁咸甜適中；白飯係北海道產嘅珍珠米，飯粒黏身，飽滿（如果多啲就更好）；另外仲有半隻半熟蛋、紫菜碎、炸鰻魚骨粒（好鬆化，口感少少似餅乾粒）。招牌白燒鰻魚飯（$118）大約20分鐘上枱，打開位蓋，賣相同樣不錯，鰻魚分兩節，一節係中間位三件，另一節係尾位有六件。因為係白燒，無醬汁顏色冚住，所以睇得出真係燒得好靚，皮嗰面脆卜卜，肉嗰面微微焦香嘅金黃色；同樣因為白燒，無醬汁味道冚住，食得出完全無泥味/腥味，肉質嫩滑，魚皮香脆，但味道偏淡，所以提供柚子醬汁（呢個汁味道幾好，亦都幾夾）同檸檬提味，亦可自行加枱面嘅味鹽、七味粉、山椒粉。追加配菜、味噌湯（+$10）配菜有兩款，辣泡
揀呢間店有三個原因：
1. 生燒，即係即場由生燒成熟，而不是現成來貨已經有哂醬汁嘅預制品。
2. 美洲白鰻，少有哋唔係用中國貨，雖然我食唔出。
3. 備長炭，有炭香味但無炭灰。
招牌蒲燒鰻魚飯（$118）
大約15分鐘上枱，打開個蓋，賣相不錯，鰻魚有八件，全是中間位。鰻魚尚算厚身，面層（皮）及底層（肉）都燒得好靚；鰻魚皮雖然有醬汁但仍帶微脆；鰻魚肉質唔會鬆散，嫩滑，無泥味/腥味；蒲燒醬汁咸甜適中；白飯係北海道產嘅珍珠米，飯粒黏身，飽滿（如果多啲就更好）；另外仲有半隻半熟蛋、紫菜碎、炸鰻魚骨粒（好鬆化，口感少少似餅乾粒）。
招牌白燒鰻魚飯（$118）
大約20分鐘上枱，打開位蓋，賣相同樣不錯，鰻魚分兩節，一節係中間位三件，另一節係尾位有六件。因為係白燒，無醬汁顏色冚住，所以睇得出真係燒得好靚，皮嗰面脆卜卜，肉嗰面微微焦香嘅金黃色；同樣因為白燒，無醬汁味道冚住，食得出完全無泥味/腥味，肉質嫩滑，魚皮香脆，但味道偏淡，所以提供柚子醬汁（呢個汁味道幾好，亦都幾夾）同檸檬提味，亦可自行加枱面嘅味鹽、七味粉、山椒粉。
追加配菜、味噌湯（+$10）
配菜有兩款，辣泡菜、醬汁元貝絲。
味噌湯配料足，除咗基本嘅昆布、豆腐，仲有蜆、白蘿蔔。
炸鰻魚骨（$28）
限量供應。大約有十條。炸得十分脆身，不論粗身或幼身，都好易咬斷。表面洒上海苔粉，香口惹味，另外仲有沙律醬（我再加埋七味粉），十分不錯的一碟小食。
免治雞軟骨肉棒串（$28）
係我想要嘅質感，免治雞肉軟身，加埋入面雞軟骨嘅爽脆，而且表面燒到微脆，又軟又爽又脆嘅口感。另外仲有一個蛋黃比你點嚟食，再增添香滑感，好味道。
燒菠蘿（$16）
平時我就應該唔會叫，但我見網上啲人講佢表面有層焦糖，望落又好似唔錯，就落埋單。的確，燒菠蘿面層會有一層脆脆焦糖，本身四件菠蘿都夠甜，再加埋焦糖，兩種甜味加埋好在又唔太漏。
食呢餐之前，我係有少許期望的。好在食完，雖然未至於好驚艷，但都比預期中好，值得有下次再返嚟幫襯嘅機會。
招牌蒲燒鰻魚飯
$118
16 瀏覽
0 讚好
0 留言
招牌蒲燒鰻魚飯
$118
15 瀏覽
0 讚好
0 留言
招牌白燒鰻魚飯
$118
18 瀏覽
0 讚好
0 留言
招牌白燒鰻魚飯
$118
7 瀏覽
0 讚好
0 留言
炸鰻魚骨
$28
9 瀏覽
0 讚好
0 留言
免治雞軟骨肉棒串
$28
0 瀏覽
0 讚好
0 留言
燒菠蘿
$16
12 瀏覽
0 讚好
0 留言
張貼
